Насловна Соопштенија Состанок на координативното тело за превенција на последиците од вирусот COVID-19

Состанок на координативното тело за превенција на последиците од вирусот COVID-19

Сподели

На вчерашниот, осми состанок на координативното тело формирано за превенција од последиците од вирусот COVID-19, преку координиран пристап на претставниците од сите комори, асоцијации и претставници од туристичко угостителска индустрија, како и претставници од Министерството за економија и Агенцијата за промоција и поддршка на туризмот беа разгледани предлозите за сет мерки кои ќе бидат доставени до Владата на Република Северна Македонија на нејзино разгледување.

На состанокот беа донесени следните заклучоци:

  1. Продолжување на мерката субвенционирање на плати и 100% од придонеси за дејностите – Туризам , Угостителство и Транспорт до крајот на 2020г вклучувајки ги и Туристичките водичи.
  2. Формирање на посебна кредитна линија за Туристички агенции и Угостителски објекти преку Банката за развој.
  3. Носење на Протоколи за сите угостителски објекти и усогласување на истите со цел на сите да им се овозможи целосно и непрекинато работење.
  4. ЗАМП да продолжи со ослободување на хотелско-угостителските објекти за времетраењето на епидемијата, односно се до прогласувањето на крајот на пандемијата.
  5. Продолжување на периодот на одложување на ратите и каматите за кредити на компаниите од туристичко-угостителскиот сектор.
  6. Ослободување од кирии за објекти во сопственост на РСМ за угостителство.
  7. Бесплатни PCR тестови за сите туристи кои ке дојдат во РСМ
  8. Намалување на ДДВ за туристичките агенции на 0% до крај на 2020 година.
  9. Намалување на ДДВ на 1% за угостителството до крај на 2020 година.
  10. Грантови за туризам
  11. Поврат на туристичка такса на хотелите исплатена во 2019 година.

На овој начин ќе се овозможи ублажување на негативниот ефект од пандемијата во туристичкиот  сектор и зачувување на сите работни места.