Предвидувањата на Агенцијата за промоција и поддршка на туризмот за туристичките текови за 2023 година се остваруваат. Целокупните резултати во туризмот се во насока не само на закрепнување на овој сектор, туку и на негов раст, со позитивен импакт во македонската економија. Македонската туристичката индустрија може да се пофали со рекордни 471,59 милиони долари прилив во македонската економија за првите три квартала од 2023г. Туристичкиот промет покажа раст и во третиот квартал за 2023 година и изнесува 241,86 милиони долари во македонската економија, со раст од 26,2% споредбено со истиот период 2022 година. Вкупно трите квартали за 2023 година имаат раст од 25% компарирано со периодот од изминатата година, односно 471,59 милиони долари прилив од туристичкиот промет во БДП-то.
Забележаниот успех, претставува огромна мотивација за нашиот тим да продолжи посветено и ентузијастички да работи кон континуирано остварување на целите и приоритетите наведени во годишната Програма на АППТ за 2024 и стратешкиот план. Во фокусот на нашата работа е издигнувањето на пиедесталот на конкурентниот светски туристички пазар, а нашата земја во центарот на туристичката мапа. Нашата визија е долгорочен одржлив развој на туризмот за инклузивен економски раст на Република Северна Македонија. Промотивните активности ќе бидат насочени кон пет области: ено-гастро концептот, активниот туризам, културно-историското богатство, националните паркови и руралниот туризам
Агенцијата за туризам во 2024-та, има неколку предизвици, а најголемиот е да ги задржиме туристите ден повеќе во нашата земја. За наредната година согласно стратешкиот план, предвидени се промотивни активности кои се од суштинско значење за промоција на Република Северна Македонија. Организирање на промотивни кампањи во Србија, Словенија, Хрватска, Бугарија, Албанија, Косово, Полска, Германија, Романија, Италија, Турција, Велика Британија и Германија. Изработка на проекти кои се од суштинско значење за промоција на културното наследство на земјава, развој на ено-гастро концептот, активните форми на туристичка понуда и одржливост на дестинациите.
Но, за да се реализираат предвидените планирани активности потребна е поддршка која не соодвествува со предлог буџетот доделен на Агенцијата за туризам за 2024 година. Поткрепен со анализи и истражувања прикажани во Стратешкиот план за развој на туризмот кој го изработи Агенцијата за туризам за 2024, барани се 218.102.000 милиони денари буџет, додека согласно предлог буџетот предвидени се 100.831.000 денари од кои само 39.961.000 денари се за опративни трошоци.
Во првиот квартал од 2024 година, ќе присуствуваме на две најзначајни саемски манифестации, Мадрид и Берлин, заедно со македонскиот туристички сектор. И покрај интересот на туристичката индустрија да бидеме присутни на саемите во Истанбул и Белград, бидејќи станува збор за туристички пазари од каде што имаме најголем број на туристи за жал поради несоодветниот предлог буџет не можеме да ги реализираме.
Осврт на постигнатите резултати и реализација на годишната програма на АППТ
Тековната 2023тата година туристичката индустрија ја заокружува со раст во поглед на бројот на странски туристи, ноќевања и девизен прилив. Македонскиот туристички сектор во првите десет месеци од 2023 година оствари 2.900.000 ноќевања, до крајот на годинава ќе се постигне целта од 3,2 милиони ноќевања и повеќе од 550 милиони долари туристички промет. За Агенцијата за промоција и поддршка на туризмот (АППТ) една од стратешките цели е продолжувањето на туристичката сезона, што во тековнава 2023та година ја реализираше со тоа што туристичакта сезона почна во април и сеуште трае. Ено -гастро концептот остави печат оваа година, а благодарение на конгресниот туризам се намалува сезоналноста.
Карактеристично е што оваа година две групи туристи имаа најголем раст, а други забележаа кумулативен раст. Турците и србите се најбројни, додека забележителен раст има и кај туристи од Германија, Грција, Хрватска и Романија. Најпосетени градови се Скопје со раст на туристи од 5% споредено со најтуристичката референтна 2019 година и Охрид со раст од 7%.
АППТ со цел да го привлече секој потенцијален турист, интензивно работи на промоција на туристичките потенцијали на земјава преку активно користење на сите промотивни алатки. Секторот за поддршка оваа година изработи гастрономска мапа и гастрономски водич како нов вид на туристичка понуда. Континуираното рекламирање во медиуми преку туристичките репортажи за земјава е со богати содржини и илустрации за неоткриените убавини во нашата дестинација, претставувајќи ги специфичните вкусови и ено-гастро концептот. Рекламирањето овој пат беше 100% на интернет во Србија, Хрватска, Полска, Бугарија, Албанија, Косово и Турција.
Една од поважните алатки со кои се промовира државава, но пред се бизнис заедницата, се интернационалните саеми за туризам на на кои учествуваа неочекувано голем број на претставници од домашниот туристички сектор. Како и реализација на активна туристичка промоција на Северна Македонија која е во фокусот на новинари, промотори, блогери, телевизиски екипи од Јужна Кореја, Шпанија, Италија и Црна Гора. Реализација на информативните патувања кои се дел од програмските активности на Агенцијата за туризам се одлична алатка за промоција на најубавото и најавтентичното од земјава, со цел поголема видливост на Северна Македонија како туристичка дестинација. Искуството на гостите раскажано преку репортажи, прилози, телевизиски емисии, блогови е непроценливо богатство за сите кои сакаат да ја посетат земјава.
Согласно ова, АППТ годинава ќе ја заврши со над 90% степен на реализација на буџетските средства.
Целата презентација можете да ја симнете тука.
