Насловна Соопштенија Интервју на д-р Љупчо Јаневски за српскиот портал “Telegraf.rs”

Интервју на д-р Љупчо Јаневски за српскиот портал “Telegraf.rs”

Сподели

Туристичкиот потенцијал на нашава земја промовиран на српскиот пазар е од големо значање за зголемување на бројот на туристи од Србија. За таа цел Агенцијата за промоција и поддршка на туризмот пред два месеца започна со промотивни активности, односно реализира медиумска кампања. За зајакнување на туристичката промоција директорот на АППТ, д-р Љупчо Јаневски даде интервју за српскиот портал “Telegraf.rs”.

Во интервјуто се направи остврт на повеќе теми меѓу кои и значењето на „Отворен Балкан“ кој ќе ги олесни туристичките проекти во овој дел од Балканот, со фокус на туристичкиот развој на регионот и неговото дополнително поврзување со Европа.

“Туризмот не познава граници. Дестинациите се шират колку што луѓето можат да патуваат. На трилатералниот состанок меѓу Црна Гора, Албанија и секако Србија, трите национални туристички организации се договорија заеднички да го промовираат Балканот на трети пазари. Ова можеби беше првиот чекор кон “Отворен Балкан”. Кога станува збор за “Отворен Балкан”, има зелени зони, тоа е брз проток на туристи, 10-12 милиони домашни туристи, така што можностите кога станува збор за туризмот се многу големи. Туризмот може да донесе нови брендови, нови работни места. И Србија и Северна Македонија имаат голем потенцијал кога е во прашање руралниот туризам и можноста за заедничка рута. Еден проект на кој ќе почнеме да работиме многу наскоро е „Патот на вранецот“, – истакна Јаневски.

Србија и Северна Македонија се многу блиски земји, нивните народи се многу поврзани, сакаат да се посетуваат и да уживаат во природните убавини на двете земји. Охрид е еден вид туристичка престолнина на земјава, која е под заштита на УНЕСКО, и место кое српските туристи сакаат да го посетуваат.

“Но, постојат дополнителни можности за промоција на македонскиот туристички потенцијал на српскиот туристички пазар. Во првиот викенд по Петровден, можете да ја посетите познатата Галичка свадба. Имате што да видите оваа година и сите години пред нас, на сите српски туристи секако им е јасно дека се добредојдени дома. Имавме една кампања во 2020 година „Дома си е дома“, па нека биде дом за сите српски туристи во Македонија”. Секој може да ја открие Северна Македонија на свој, интимен начин. Би препорачал пет до седум дневна тура, Скопје сигурно, централниот дел на мојата земја, како и други дестинации. Еве да ви кажам еден факт – имаме 43 езера, повеќе од 4.000 археолошки локалитети, пет римски градови, големо културно и историско богатство”, – дополни Јаневски.

Линк од интервјуто:

https://ona.telegraf.rs/putovanja-destinacije/3516417-severna-makedonija-dragulj-sa-43-jezera-hiljade-istorijskih-lokaliteta-i-5-rimskih-gradova