Директорот на Агенцијата за промоција и поддршка на туризмот – АППТ, д-р Љупчо Јаневски е ученик на конференцијата „Know How – FOR OPEN BALKAN.
Здружението на млади економисти на Република Српска, со поддршка и под покровителство на Министерството за европски интеграции и меѓународна соработка на Република Српска, се организатори на конференција под слоганот „Know How – ЗА ОТВОРЕН БАЛКАН“ која се одржува денес на 5ти април 2023 година, во Бања Лука. Ова е петта година по ред како се организира ваков настан на кој се анализираат различни актуелни теми од сферата на дипломатијата, економската соработка и пазарните можности. Овогодинешната конференција е поделена на три панели:
- Отворен Балкан, можности и предизвици;
- Дали сме подготвени за слободен проток на луѓе, стоки, услуги и капитал;
- Глобални, европски и регионални иницијативи како развојна можност.
Јаневски е учесник на првиот панел на оваа конференција, каде има можност да ги пренесе ставовите и искуствата во однос на Отворениот Балкан, заедно со министерот за внатрешна и надворешна трговија во Владата на Република Србија, Томислав Момировиќ, Зоран Тегелтија, министер за финансии и трезор на Босна и Херцеговина, како и министерот за европски интеграции и меѓународна соработка при Владата на Република Српска, Златан Клокиќ.
Целта на годинешната конференција е на едно место да се соберат претставници на институции и бизниси од земјите кои веќе се учесници во зоната Отворен Балкан, за да можат да ги споделат своите искуства и да учествуваат во дискусијата за поставените теми.
Модератор на панелот е г. Жељко Шаин, дописник на спрска Политика од Скопје. Конференцијата ја отвори претседателот на Владата на Република Српска, г. Радован Вишковиќ.
