Награди за достигнувања на полето на туризмот беа доделени на Туристички работници и компании од целиот регион.
Наградите се базираат на пазарна анализа и стандардизирани критериуми, кои вклучуваат континуиран позитивен раст, висок степен на пазарна препознатливост, влијание и придонес кон унапредување и популаризација на потенцијалите и создавање на конкурентна слика на туристичката индустрија на Регионот на Југоисточна Европа.
На Агенцијата за промоција и поддршка на туризам на Република Македонија и беше доделена Наградата за Бренд лидер за 2016 година,за посебен придонес за репутацијата и конкурентноста на туристичката понуда на Регионот на Југо-источна Европа.
За бренд лидери од приватниот туристички сектор на Република Македонија Награди примија и Славе Сирачевски-Аурора, како и Универзитетот за туризам и Менаџмент од Скопје.
