Насловна Соопштенија Засилување на медиумската промоција во Турција

Засилување на медиумската промоција во Турција

Сподели

Агенцијата за промоција и поддршка на туризмот (АППТ) продолжува со активна промоција на туристичкиот потенцијал на Р.С. Македонија преку ФАМ тури на еден од најголемите пазари во државава – Турција. АППТ во соработка со Turkish Airlines и македонскиот тур-оператор Bademtour ја носат на 4 дневна посета на земјава најпознатата новинарка во Турција – Озлем Тунџа. Озлем Тунџа пристигнува со семејството во текот на утрешниот ден и ќе помине 4 дена низ земјава со цел да сними 40 минутна репортажа за најпопуларната емисија за туризам во Турција –   Dünyayı Geziyorum, која се емитува на турската национална телевизија Канал 7.

Новинарката Тунџа во овој период ќе ги посети Тетово, Ресен, Битола, Охрид, Струга, Вевчани, Дебар, Маврово и Скопје и ќе го сподели искуството за семејно патување низ земјава.

Веќе при крајот на месец Август, во посета на Скопје доаѓа и турската национална телевизија ТРТ2. Покрај Будимпешта, Дубровник, Загреб, Белград и Сараево и 15 други градови, ТРТ2 ќе го снима и главниот град на Р.С. Македонија – Скопје, а целта е да го портретира како историска крстосница на културите што заслужува да добие повеќе историска, културна и традиционална вредност. Целта на оваа рута е да се следи патот на познатиот турски патеписец од 17тиот век -Евлија Челебија, кој се верува дека го поддржувал Александар Велики. Реализацијата на патувањето за подготовка на оваа репортажа е во соработка со Turkish Airlines.

Дополнително, кон крајот на месец Септември во соработка со ТУРСАБ, 20тина тур оператори од Турција ќе ја посетат Р.С. Македонија и ќе остварат бизнис средби со македонскиот туристички сектор што претставува можност за нови, повеќедневни аранжмани и зголемување на бројот на турски туристи.