Директорката Билјана Стефаноска заедно со претставници од Агенцијата за промоција и поддршка на туризмот се во дводневна посета на Саемот за туризам и патувања кој се одржува во Тирана, Албанија.
Саемот нуди можност за регионална туристичка и бизнис поврзаност на земјите од Западен Балкан, кој претставува брзорастечки туристички центар за светските патувачи. Одлично место за промоција и зголемена видливост на дестинациите, кои нудат уникатни идеи за патување.
На одржаните состаноци и средбите со туристичкиот сектор на Албанија и регионот, Агенцијата за туризам има можност да формира нови партнерства, да се продлабочи соработката со веќе постоечките, и да се дознае за иновациите, технологиите и стратегиите што го обликуваат туризмот во 2025 година.
На денешната работна средба и посета на македонската амбасада во Тирана Албанија, директорката Билјана Стефаноска заедно со претставници од Агенцијата за туризам имаа можност да разговараат со Љуфтим Спахиу в.д. амбасадор, за заедничката промоција и зголемена побарувачка за македонските туристички дестинации од страна на потенцијалните албански туристи.
Албанските туристи го посетуваат охридското крајбрежје, мавровско дебарскиот крај и културните знаменитости на регионот, но и семејните врски се нераскинлив дел од посетата.
Ставот на инволвираните туристички професионалци од регионот е дециден, само со приоритизирање на одржливоста, регионот може да поттикне меѓусебната поврзаност, подобрување на глобалната привлечност и безбедна долгорочна одржливост на конкурентниот пазар.
Фокусот на овогодинешниот “Tourism & Travel Show Albania 2025” е на одржливи социо- економски и еколошки напредок. Како што расте побарувачката за еколошки и културно одговорни патувања, Западен Балкан е уникатно позициониран да стане водечка дестинација за одржлив туризам. За да се постигне ова е потребно зајакнување на партнерствата, промовирање на еколошки иницијативи и зачувување на културата. Потребно е усвојување на глобалните стандарди, усогласени со европските и меѓународните одржливи туристички сертификати со обезбедување поддршка од ЕУ.
