Во месеците мај и јуни ќе има три до четири чартера, додека во екот на сезоната се до септември од четири до пет летови неделно, а најава има и за туристи од Велика Британија ,Полска и Турција. За разлика од 2021 година оваа година првите туристи пристигнуват два месеци порано, а очекувањата се дека ќе бидат реализирани нешто повеќе од 60 чартера ова лето од Туи Холандија вели директорот на АППТ Љупчо Јаневски.
Очекуваме исто така и други тур оператори и други дестинации да го оперираат Охрид. Говориме и за турски и полски тур оператори со чартер летови или оваа година ќе имаме за неколку пати зголемено портфолио на дестинации, коишто туристи веќе ги имаме во Охрид. За мене сезоната е започната после велигденските празници и веќе и самите може да се уверите дека имаме кружни патувања, од Малезија, некои туристи дури и до Индија, потоа традиционалните пазари како што ни се полскиот, турискиот. Се надеваме дека ќе имаме дополнителни кружни патувања од Израел и регионот, секако Холандија ни е тука како стратешки партнер и уште повеќе се фокусираме во некои други дестинации кои ќе оперираат веќе од 2022 година, потенцира директорот на АППТ Јаневски.
Трендот на букирање во ТУИ Холандија е во пораст, секоја недела има пораст на букирани гости најави Асим Челик менаџер на КТМ Војаж партнер на ТУИ Холандија.
Многу битно за оваа сезона е што по првпат во нашиот град и во државава ќе имаме гости до TUI UK кои се најавени да почнат со доаѓање од 16 јуни двапати неделно со авион на Визер, каде имаат закупено 80 седишта во нивниот авион. И тоа ќе биде за првпат во историјата на нашата држава да имаме организирано гости од Велика Британија. Од ТУИ Холандија летово очекуваме некаде околу 6,5-7 илјади гости отприлика 55-60 чартери, а од ТУИ Велика Британија имајќи предвид дека тие сеуште не летаат со авион на ТУИ туку имаат изнајмено седишта очекуваме околу 2000 гости потенцира Асим.
Инаку очекувањата на Агенцијата за подршка и промоција на туризмот за 2022 година се да се реализираат 2,6 милиони ноќевање и поголем девизен прилив во споредба со минатата година.
