Агенцијата за промоција и поддршка на туризмот на Република Македонија на саемот во Измир, Турција (Travel Turkey Izmir’2016) ја промовираше туристичката понуда на Македонија пред 40.000 посетители во периодот од 8-ми до 11-ти Декември. На саемот за туризм во Измир, Турција, оваа година има повеќе од 1000 излагачи и огромна заинтересираност за организирани тури во Македонија и Балканот.
Турските туристи се главно повозрасни (40-65 години) и се заинтересирани за групно патување, додека помладите сакаат патувањето да им трае подолго и да го организираат по сопствена желба. Кога се во посета на Македонија и Балканот, Турците се заинтересирани за историја, култура и храна кои доаѓаат како резултат на блиската историја на овие две земји и желбата на Турците да ја истражат истата.
Поради фактот дека 2016-та година е една од најслабите години за Турција во поглед на туризмот со регистриран огромен пад во бројот на туристи, очекувањата на Турските тур оператори за 2017-та година се насочени кон стабилизација, па и раст во бројот на туристи како и на интересот за патување.
На саемот за туризам во Измир, делегација на Агенцијата за туризам оствари бројни состаноци со Турски тур-оператори меѓу кои и Pronto Tour, Ecc tour, Fides travel, Enka Tatil, Ephesus travel, Italtur, Мika tur, Сakra tur, Travel to business (MICE agency), Ѕuveys tur итн. Штандот на Македонија на кој ко-егзибитори беа Балканс тајм, Бадем тур, Ибегалис и Буши респрт&спа, за време на саемот го посетија турскиот министер за култура и туризам, г-дин Наби Авци и градоначалникот на Измир, г-дин Азиз Коцаоглу.
Со почит,
Агенција за промоција и поддршка на туризмот на Република Македонија
