На денешната тркалезна маса на тема: Маврово – дестинација за спортско качување се разменија искуства и информации во однос на досегашните активности и инвестиции од различни засегнати страни за развој на активниот туризам во Република Северна Македонија.
Со посебен акцент на спортското качување, како и дискусија околу потенцијалот и предизвиците за развој на Република Северна Македонија како дестинација за спортско качување, уште еднаш се потврдија идеалните услови за развој на авантуристичките форми на туризам со кои треба да понудиме и квалитет.
![](http://tourismmacedonia.gov.mk/wp-content/uploads/2020/09/konferencija-mavrovo2-800x467.jpg)
Агенцијата за промоција и поддршка на туризмот пред неколку месеци го заврши проектот за спортско качување и алпинизам на локациите Матка, Маврово, Кадина река и Демир Капија, а на дел од нив се поставија патокази и инфо табли за спортско качување. Целта на ваков тип на активности е поддршка на активниот туризам во земјава, којшто се засилува преку јавна дебата и дискусија на работни средби со кои дополнително ќе се откријат нови рути и промоција на РС Македонија како дестинација за спортско качување.
![](http://tourismmacedonia.gov.mk/wp-content/uploads/2020/09/konferencija-mavrovo3-800x467.jpg)
Подигнување на адреналинот е ултимативната цел на качувачите, а тоа ја прави дестинацијата совршена за развој активен туризам, земајќи предвид дека веќе ги имаме предусловите за идеален развој на овој спорт.
![](http://tourismmacedonia.gov.mk/wp-content/uploads/2020/09/konferencija-mavrovo4-800x467.jpg)
На средбата организирана од Програмата за зголемување на пазарната вработливост – ИМЕ, поддржана од Швајцарската агенција за развој во соработка Амбасадата на Република Франција во Република Северна Македонија Македонска Спортско Качувачка Федерација присуствуваа учесници од општина Маврово и Ростуше Национален Парк Маврово, Агенција за промоција и поддршка на туризмот, Агенција за млади и спорт, тимот за спасување во рамки на Македонска Спортско Качувачка Федерација, Федерација на планинарство на Северна Македонија, Ресорт Маврово, Ski hut Gorica, Ski hut Carevec, комплекс Кораб Трница и НВО Так.
![](http://tourismmacedonia.gov.mk/wp-content/uploads/2020/09/konferencija-mavrovo5-800x467.jpg)
На тркалезната маса се придружија и претставници од Француската Качувачка Федерација, кои во моментот престојуваат во Република Северна Македонија за изработка на нови насоки за качување, како и главниот уредник на француското списание Grimper.