Насловна Соопштенија По белоруските и украински тур-оператори во посета на земјава

По белоруските и украински тур-оператори во посета на земјава

Сподели

Шапка и Маврово се во фокусот и на тур-оператори од Украина кои се во посета на земјава изминативе неколку дена. За време на информативното патување, 15тина тур оператори од Украина посетија неколку зимски центри и се информираа за можностите за зимски туризам кои ги нуди РС Македонија.

Директорот на АППТ, г-дин Љупчо Јаневски, со презентација на потенцијалите на туризмот во земјава и промоција на истите, синоќа во Маврово ја заокружи посетата на земјава на тур-операторите од Украина. “По тур-операторите од Белорусија, во посета ни се тур-оператори од Украина со цел да ја финишираат нивната идеа за носење на туристи во РС Македонија веќе од месец Декември.

За огромен успех го сметам отворањето на новата директна линија со која ќе се поврзат Киев и Скопје со два лета во теков на неделата од која очекувам зголемување на бројот на украински туристи во земјава. Ова е турболентно време во кое ние успеваме да отвориме нов пазар, а тоа за мене претставува огромен успех” изјави Јаневски. Со презентација на можностите за развој на зимскиот туризам пред тур-операторите од Украина, Јаневски ги истакна предностите на зимскиот туризам, со посебен акцент на слободното скијање и сноубординг, за кои аранжмани од 5 до 7 дена во зимските центри како Маврово и Шапка се идеални.