Директорката на Агенцијата за промоција и поддршка на туризмот, Билјана Стефаноска денес имаше можност да ги продискутира и истакне предизвиците кои ги носат климатските промени, како едно од значајните влијанија врз идните туристички трендови и туризмот во целина.
Стефаноска учествуваше во панел дискусија на тема “Kлиматските промени и нивното влијание врз туризмот”, заедно со Ане Лашкоска, заменик министер за животна средина и просторно планирање, Анита Коџоман од Програмата за развој на Обединетите нации (УНДП), Маријана Милевска проектна менаџерка во УНДП и д-р Орхидеја Тасевска, директор на ЈНУ Хидробиолошки завод, Охрид.
Конференцијата е во организација на Together 4 Circular и “Climathon”, глобалното движење поттикнато од EIT Climate-KIC, ова година одржана за прв пат во Охрид.
Истото е посветено на зајакнување на капацитетите на локалните креатори на решенија и како директно да се справат со неодложното прашање за климатските промени.

Туристичкиот сектор е многу ранлив на климатските промени и во исто време придонесува за емисија на стакленички гасови (GHG), кои предизвикуваат глобално затоплување. Затоа, забрзувањето на климатските активности во туризмот е од најголема важност за отпорноста на секторот. Климатските активности се подразбираат како напори за мерење и намалување на емисиите на стакленички гасови и зајакнување на капацитетот за прилагодување на влијанијата предизвикани од климата. Декларацијата од Глазгов официјално лансирана на Конференцијата за климатски промени на ОН COP26. Предлогот е координиран план за туризмот за поддршка на глобалната заложба за преполовување на емисиите од 50% до 2030 година и постигнување нула емисии до 2050 година, и бара од потписниците да преземат опипливи обврски околу планирањето, мерењето и известувањето. И топлотните бранови ќе станат пожешки и подолги доколку светот брзо не ја прекине употребата на фосилни горива.

Намалување на плажите, екстремни горештини, урагани, скијачки центри без снег… Сето тоа се последици од климатските промени врз туризмот. Туристичките работници не треба да чекаат премногу за да се прилагодат на новите услови, особено оние кои егзистираат и работат во пределот на Медитеранот. Зголемувањето на температурите веројатно ќе резултира со туристи да патуваат во пролет и есен наместо во лето, како и да се одлучат за поладни дестинации, соопштуваат од италијанското министерство за животна средина. Веќе има пад од 10% на бројот на луѓе кои планираат да го посетат Медитеранот во летниот период, по високите температури од минатата година, според Европската комисија за патувања. Туристите се повеќе размислуваат за патувања во Чешка, Данска, Ирска…