Насловна Соопштенија Одбележување на светскиот ден на туризмот 2018 година

Одбележување на светскиот ден на туризмот 2018 година

Сподели

Тимот на АППТРМ, по повод Светскиот ден на туризмот 2018 доби “Признание за успешно завршена работа” од Министерството за економија. Ова Признание претставува потврда за заложбите кои ги има АППТ кон развојот на туризмот, но истовремено и предизвик за остварување на уште подобри резултати.
Добро завршената работа ќе биде заокружена со исполнување на нашата цел – 1.2 милиони туристи и 3.2 милиони ноќевања остварени во 2018 година.

По повод Светскиот ден на туризмот, 27ми септември македонскиот туристички еснаф се собра на едно место. Најзаслужните и најупорните туристико-угостителски работници беа наградени за своите успешно реализирани туристички предизвици. Ова е одлична можност сите инволвирани да си честитаат на успесите и да се мотивираат за остварување на подобри резултати, пратејќи ги светските трендови.

Оваа година, пораката од Светската туристичка организација (UNWTO) за Светскиот ден на туризмот ја нагласува потребата за инвестирање во дигитални технологии кои можат да помогнат да се поттикне можноста за иновации и претприемништво во туризмот. Светската туристичка организација (UNWTO) го гледа дигиталниот напредок и иновациите како предизвик истиот да се надоврзе со континуираниот раст за поодржлив и одговорен туристички сектор.

“Резултатите од досегашното работење направија македонскиот туристички производ да стане конкурентен на светскиот пазар, а со тоа и да се зголеми туристичкиот промет во државава. Во свет на дигитална технологија сите се конкурентни, во изборот на дестинација не е пресудна цената, тоа што го бараат новите патувачи е квалитет и поразлична содржина. Агенцијата за промоција и поддршка на туризмот на Република Македонија водејќи се од својата заложба за континуиран развој, унапредување и афирмација на туризмот, а имајќи ги предвид предностите и економската корист од развојот на оваа индустрија, инвестира и работи на реализација на призвиците со кои се соочува туристичко-угостителскиот сектор” – потенцираше на денешниот настан по повод Светскиот ден на туризмот, директорот на АППТРМ, г-дин Љупчо Јаневски.

Среќен Светски ден на туризмот!