Насловна Соопштенија Промоција на македонските туристички вредности во Словенија

Промоција на македонските туристички вредности во Словенија

Сподели

Република Македонија ја има честа да биде земја – партнер на 56-то издание на саемот за храна и земјоделство – АГРА во Горна Радгона – Република Словенија. Агенцијата за промоција и поддршка на туризмот, претставувана од директорот Љупчо Јаневски е дел од националниот штанд, чиј домаќин е Министерството за земјоделство шумарство и водостопанство на Република Македонија.

Промоцијата на Македонија како земја – партнер на саемот АГРА е организирана на изложбен простор од 136 м2 преку презентирање на вкусна традиционална храна, квалитетно вино, природни убавини, богато културно – историско наследство. Македонските вредности се одлична промоција на Македонија и како туристичка дестинација.

Во рамките на македонско-словенечки бизнис форум, на којшто присуствуваа компании, стопански комори и здруженија од двете држави, директорот на Агенцијата за туризам г-дин Јаневски ги презентираше туристичките потенцијали и туристичката понуда на Македонија.

Од исклучителна важност е словенечкиот туристички пазар за целокупниот туристички раст на нашата земја. За таа цел Агенцијата за промоција и поддршка на туризмот на Република Македонија работи на поголема промоција на македонскиот туристички производ во Словенија.