Насловна Uncategorized @mk Засилување на соработката значи успешно претставување на регионов на трети пазари

Засилување на соработката значи успешно претставување на регионов на трети пазари

Сподели

На покана на Националната туристичка организација и Министерство за трговија, туризам и телекомуникации на Србија, Агенцијата за промоција и поддршка на туризмот (АППТ) на Република Македонија предводена од директорот Љупчо Јаневски имаше забележителен настап на деветтиот Туристички форум на Србија во Палиќ.

Туристичката организација на градот Суботица како овогодишен домаќин, од 9-ти до 12-ти мај во рамките на форумот организираше образовни сесии и работилници за создавање, развивање и поставување нов туристички производ, нови алатки за медиумско рекламирање, како и соодветна комуникација на туристичките пазари и дестинации.

“Засилување на соработкате значи успешно претставување на регионов на трети пазари, а тоа е и главната порака на Агенцијата за промоција и поддршка на туризмот на Република Македонија и Националната туристичката организација на Србија. Благодарност за поканата до г-а Лабовиќ, Директор на Националната туристичка организација (НТО) и Министерство за трговија, туризам и телекомуникации на Србија зошто оваа иницијатива за организирање на ваков тип на форум претставува начин за унапредување на соработката и можност за размена на искуства на полето на туризмот”- изјави директорот на АППТ, г-дин Љупчо Јаневски.

Средбата со г-а Марија Лабовиќ, директор на НТО на Србија, беше во контекст на финализирање на деталите за посетата на Македонија (која треба да се случи во втората половина на месец Мај) при која г-а Лабовиќ заедно со претставник од НТО на Црна Гора, ќе учествуваат во дебатата за прецизирање на формата на туристичкиот производ кој е соодветен за промоција и настап на регионов на трети пазари.

За време на дводневното учество на форумот во Палиќ, Јаневски се сретна со претставници на туристички организации на бројни општини од Србија, но и здружението на хотелиери и ЈУТА (Национална асоцијација на туристички агенции на Србија) со кои се прецизираа деталите за информативно патување во Македонија на кое ќе се организираат и бизнис средби со приватниот сектор на двете земји.