Агенцијата за промоција и поддршка на туризмот (АППТ) на Република Македонија симболично го одбележа Светскиот ден на туризмот со еднодневна тура низ Галичник. Светскиот ден на туризмот се одржува секоја година на 27 септември, основан 1980 година од Генералното собрание при Обединетите Нации и Светската туристичка организација (UNWTO). Оваа година претставува единствена можност за развој на одржлив туризам, како глобален и национален приоритет, вредна компонента за сите залагања за економски раст, заштита на културата и животната средина.
АППТ чија главна цел е промоција и поддршка на туризмот го организира настанот во интерес на популизација на Светскиот ден на туризмот, да се подигне свеста кај граѓаните на Македонија кои се главни чинители во развој на одржливиот туризам. Во овој дух, дел од тимот на АППТ имаа можност да ги доживеат и искусат локалните продукти и активно да се вклучат во секојдневниот живот на локалното население.
Разновидноста на производите и услугите
што ги има Македонија не обединува и ни дава можност да го истражиме, да го ангажираме и искусиме најдоброто што локалната култура и заедниците имаат да понудат. Почитувањето на локалното и сето она што не прави различни и уникатни, ќе го подобри нашето патување.
“Туризмот во Македонија треба да го добие потребното внимание затоа што може да придонесе за сите пет димензии на одржливиот развој преку инклузивност на приватниот сектор, јакнење на капацитетите и меѓуинституционална соработка, при што се мобилизираат сите засегнати страни да работат заедно за да го направат туризмот катализатор за позитивни промени”-сугерира Александар Донев, директор на АППТ.
Сите граѓани треба да станат свесни дека Македонија со својата понуда станува дел од светската мапа на атрактивни и привлечни туристички дестинации во регионот, за туристи од целиот свет. Македонија со гордост може да им понуди на своите гости голем број на содржини од културен, авантуристички и забавен карактер затоа што е специфичен спој на цивилизациски, културни, природни убавини и реткости.
Овогодинешната порака за Светскиот ден на туризмот е
ПАТУВАЈ, УЖИВАЈ И ПОЧИТУВАЈ!
