Насловна Публикации

Публикации

Македонското гастрономско искуство

Туристичка мапа

Македонска кујна

Добрата храна е задоволство што го прави животот побогат.

На празен стомак, глава не мисли.

Да ја поставиме трпезата, да ги подигнеме чашите за нови искуства, за нови вкусови…

На здравје!

ВКУСОВИТЕ НА МОЈАТА ЗЕМЈА

Р. С. Македонија е мала земја во југоисточниот дел на Балканскиот Полуостров, од сите страни опкружена со копно. Да, секоја земја зад себе има некоја приказна што раскажува за сонце, планини, езера, реки, археолошки наоѓалишта, историја, традиција и култура. Нешта кои се помалку или повеќе интересни во зависност од интересот на поединецот. Но нишката што ги поврзува сите, што се провлекува низ часовите поминати во истражување и проверување на евентуалната приказна, што знае да ги обои денот и расположението е оној сегмент кој секој со задоволство го зема здраво за готово храната.

ВОДИЧ ЗА ВАЖЕЧКАТА ЛЕГИСЛАТИВА И АДМИНИСТРАТИВНИТЕ ПРОЦЕДУРИ ВО РУРАЛНИОТ ТУРИЗАМ ВО СЕВЕРНА МАКЕДОНИЈА

Водичот за важечката легислатива и административните процедури во руралниот туризам во Северна Македонија е изработен во рамките на проектот “Зајакнување на капацитетите за поддршка на руралниот развој во Југоисточна Европа” поддржан од Германското друштво за меѓународна соработка (GIZ) а во рамките на активностите на Постојаната група за регионален рурален развој во Југоисточна Европа (SWGRRD). Намената на Водичот е на едно место да обезбеди систематизирани информации поврзани со правната подлога која на национално ниво го дефинира, уредува, мониторира, поддржува и контролира развојот на руралниот туризам.

Национални паркови

Гастрономија

Вино

Религија

Градови

Манифестации

Историја

Бизнис

СПОРТСКО КАЧУВАЧКИ ВОДИЧ

Македонијa, земја со големи можности. Земја, со прекрасни планини, шуми, езера и реки, лоциранa вo срцето на Балканот. Покрај прекрасните природни богатства, вклучувајќи квалитетни варовнички карпи, ќе најдете специјален одблесок на култура и историја. Земјата на Александар Македонски е место каде ќе најдете повеќе качувачки локалитети лоцирани на сите страни од земјата. Некаде ќе се качувате под планина, некаде скриени во кањони, некаде покрај езеро, но, сепак, дома ќе си заминете задоволни бидејќи сте се качувале на добро оклинчени спортско-качувачки насоки, обележани и лесно достапни за секого.

ГРАД на СЕДУМТЕ ПОРТИ

Скопје некогаш може да слушнете дека го нарекуваат „градот на седумте порти“. Поради долгата историја, која влече корени уште од антиката, за градот се рашириле разни легенди врзани за неговото настанување и потеклото на неговото име. Највпечатливата е токму онаа за скопската котлина, каде се раскажува дека некогаш одамна имало голема камена тркалезна карпа која била всушност глава на маѓепсан џин. Волшебникот кој го маѓепсал бил многу зол, но, еден јунак поттикнат од неправдата која му е направена на џинот, го предизвикал волшебникот на битка и победил.

ГРАД на СВЕТЛИНАТА

Македонија – најзначајната земја крстосница во срцето на Балканскиот полуостров е сè уште неоткриена и мистична земја која гостопримливо ги дочекува сите патници кои сакаат да ги откријат нејзините тајни. Низ вековите, Македонија има зачувано богатство од природни убавини, традиционални вредности и различни култури. Во југозападниот дел на земјата се наоѓа градот Охрид – еден од најстарите и најавтентични градови на Балканскиот полуостров. Неговото античко име е Лихнид што значи – „град на светлината“. Охрид е колевка на православната духовност, па токму затоа е наречен словенскиот Ерусалим.

Како СТРУГА нема ДРУГА

За името на Струга постојат две легенди, од кои во едната се вели дека Струга го добила своето име поради отворената географска положба на градот – место каде што постојано „струже“(дува ветер). Другата легенда, пак, вели дека некогаш одамна македонските Словени, Брсјаци и Мијаци, во струшкиот регион се занимавале со сточарство и овците ги носеле на стрижење токму на истекот на Црн Дрим од Охридско Езеро. Од стрижењето на овците доаѓа до зборот Струга. Старото име, пак, на овој град е Енхалон, што на старогрчки значи „јагула“.

ГРАДОТ НА КОНЗУЛИТЕ

Париското Шанзелизе во Битола се вика Широк Сокак или „битолскo корзо“ кое претставува главната пешачка артерија. Тоа е веројатно и првата асоцијација кога ќе се спомне името на градот. Тука се среќаваат сите градски личности, но и сите пријатели, бизнис-партнери, случајни минувачи и вљубени парови, тука се споделуваат градските новости. Оваа улица е преполна со кафулиња, продавници, ресторани, тука се наоѓа театарот со операта, но и многу стари архитектонски дела.

 

ГРАДОТ во ОБЛАЦИТЕ

Крушево е град-историја, град-музеј, град-приказна. Крушево е бајка, особено во зимскиот период. Вистинска снежна идила. Во него има зачувани градби од XV век, кога се формирал градот, како и од периодот на населување на Власите и Мијаците, едните расположени да инвестираат, а другите познати како одлични градители. Резултатот од тоа се куќи со специфични архитектонски белези кои воодушевуваат уште при првата средба, а на нивната убавина не останал рамнодушен ниту славниот архитект Ле Корбизје при неговата посета на градот.

Република Македонија е малапо површина, но голема ризница на природни реткости и на  културно- историски споменици од најстари времиња до денес. Водичов Ви ги презентира Најважните информации за природните убавини и за културно- историските знаменитости, за хотелските и ресторанските капацитети во осумте статистички региони во Република Македонија.

 

Водич за препознатливите производи, локалитети, објекти и настани во РМ

Водичов е осмислен и конципиран за да Ви даде инспирација и насоки при планирањето на Вашето патување со цел да се запознаете и да ги посетите позначајните производи, локалитети, објекти и настани во Македонија. Изданиево е надополнето со квалитетни мапи и фотографии со висока резолуција за да ги доближат до Вас сегментите што ги обработуваме. Водичов е поделен во четири поглавја, каде што се опфатени позначајните локални препознатливи производи, објектите од значење за туризмот, како и поважните настани во Македонија.

Отоманските споменици во РМ

Исламските споменици во Македонија претставуваат импозантни градби, кои до ден денес ја раскажуваат приказната за богатството и големината на Отоманската Империја. Кон крајот на XIV век Македонија била вклучена во Отоманската Империја, која била една од најголемите империи во историјата на човештвото. Отоманците биле присутни во Македонија цели пет века (до 1912 година) при што влијаеле врз културата, религијата и архитектурата на целиот Балкански Полуостров. Долгиот период на контакт со турската култура имал големо влијание врз менталитетот, јазикот, исхраната и многу други аспекти на секојдневниот живот во Mакедонија, а градовите добивaле сѐ повеќе ориентални урбани особености.

Вкусовите на Македонија

Македонија е мала земја во југоисточниот дел на Балканскиот Полуостров, од сите страни опкружена со копно. Да, секоја земја зад себе има некоја приказна што раскажува за сонце, планини, езера, реки, археолошки наоѓалишта, историја, традиција и култура. Нешта кои се помалку или повеќе интересни во зависност од интересот на поединецот. Но нишката што ги поврзува сите, што се провлекува низ часовите поминати во истражување и проверување на евентуалната приказна, што знае да ги обои денот и расположението е оној сегмент кој секој со задоволство го зема здраво за готово храната.