Насловна Соопштенија Втор координативен состанок на координативното тело за превенција на последиците од корона...

Втор координативен состанок на координативното тело за превенција на последиците од корона вирусот во туризмот

Сподели

На денешниот, втор состанок на координативното тело формирано за превенција од последиците на Корона вирусот, покрај АППТ, стопанските комори и асоцијациите за туризам присуствуваа и претставници на министерството за транспорт и пазарната инспекција на Република Северна Македонија со цел координација на сите активности и превенција на последиците од Корона вирусот.

На состанокот на координативното тело се разгледаа извештаите од стопанските комори за туризам со цел утврдување на веќе настанатите штети на приватниот сектор кои претежно се резултат на соработката со ниско-буџетната компанија Визер, последиците од откажувањето и препораката на државата за избегнување на патување во северниот дел на Италија. Информациите за штети кои стопанските комори ги сумираа од своите членки даваат бројка од околу 3 милиона денари и истите се поради закуп на авионски билети.

Дополнително, координативното тело ги анализираше движењата на пазарот и констатираше дека нема големи откажувања од странските туроператори , туку дека поголемиот број на семинари, конференции и други аранжмани, претежно индивидуални, се на ниво на град Скопје како туристичка дестинација.

Дел од заложбите на Агенцијата за промоција и поддршка на туризмот и Министерството за Економија е да се препорача на Владата на Република Северна Македонија, семинарите коишто се од страна на државнта администрација, во текот на 2020 година стриктно да бидат организирани во земајта и дополнително средношколските екскурзии до месец Септември да бидат организирани дома, односно, да има мораториум за патување во странство.

На третиот координативен состанок дополнително ќе се разгледаат ефектите од движењата на корона вирусот, ефектите врз туристичките дестинации и можните откажувања на аранжманите за месец Март и Април.