Насловна Македонија земја партнер на саемот за туризам во Измир - Турција Италијанскиот туристички пазар предизвик за македонското туристичко стопанство

Италијанскиот туристички пазар предизвик за македонското туристичко стопанство

Сподели

Во организација на Агенцијата за промоција и поддршка на туризмот на Република Македонија петта година по ред се промовирани и претставени туристичките потенцијали на меѓународниот саем за туризам “TTG Travel Experience” во Римини, Италија.

На првиот ден од отварањето на меѓународниот саем за туризам “TTG Travel Experience”Агенцијата за туризам и приватниот туристички сектор остварија повеќе од 60 бизнис состаноци со тур-оператори, медиуми, блогери и останати професионалци кои ги диктираат трендовите во туризмот.

Од 10-ти до 12-ти октомври претставници на Агенцијата за туризам, предводена од директорот Љупчо Јаневски заедно со приватниот туристички сектор на Македонија, претставници на Macedonia Holidays, Enjoy Balkans, Vardar Express и Go Balkans ќе ги промовираат туристичките можности на нашата земја. Италијанскиот туристички пазар е предизвик за туристичките работници од Македонија и можност да се зголеми бројот на илталијански туристи кои ќе придонесат за поголем успех и раст на туристичкото стопанство.

Новиот концепт на македонскиот штанд го привлече вниманието на посетителите, доловувајќи го автентичното и уникатното на нашата земја, со можност за остварување на поголем успех во туристичкиот бизнис.

ТТГ Римини е главен саем за туризам и туристички пазар во Италија за преговарање и вмрежување помеѓу меѓународната понуда и посредниците на туристичкиот производ. Саемот во Римини е исклучиво B2B настан.Тоа е единственото место во Италија каде излагачите можат да ги сретнат сите главни италијански туристички агенции и тур-оператори, остварат деловни контакти и развиjат понатамошен успешен бизнис.

На 55-тата интернационална бизнис туристичка манифестација во Римини својата туристичка програма ја претставуваат над 150 туристички дестинации, учествуваат над 2.550 изложувачи од 90 земји, 750 новинари, 300 блогери и повеќе од 72.662 посетители. Овие факти и бројки кажуваат за големината и важноста од учество на еден од најголемите бизнис туристички настани во Европа и светот.