Директорката Стефаноска на денешната средба со Националниот координатор за туризам Акан Махмут ги разговараа приоритетните активности за развој на туризмот. Целта е создавање на Стратегија за туризам и конкурентна туристичка дестинација, која располага со атрактивни и уникатни ресурси кои треба да се стават во активна функција на туризмот.
Националната стратегија за туризам треба да ги дефинира визијата за туризмот, стратешки цели, стратегија за маркетинг и брендирање, типови на туризам и зони со најголем потенцијал за развој на туризмот во Македонија. Ваквата стратегија треба да ги утврди и целите и да ги проектира насоките и активностите кои треба да се превземат со цел дефинирање на следните чекори кон каде треба да се движиме и што треба да создаваме.
Колку побрзо ќе ја направиме и истата ќе биде во консолидација со целиот туристички сектор, толку подобро ќе имаме по што да постапуваме во годините што следат. Препознатлива и одржлива дестинација со јасна туристичка цел е добра појдовна точка за определување на визијата на која ќе се фокусираат активностите на Агенцијата за туризам. Создавање на конкурентна туристичка понуда надополнета со иновативни и креативни маркетинг активности ќе придонесе за квалитативен раст на туризмот.
