Насловна Соопштенија Септември и октомври се очекуваат првите чартери на релација Софија – Охрид

Септември и октомври се очекуваат првите чартери на релација Софија – Охрид

Сподели

Агенцијата за промоција и поддршка на туризмот од 13-ти до 15-ти февруари ќе ја презентира туристичката понуда на РС Македонија заедно со дванаесет ко-егзибитори на најголемиот настан во туристичката индустрија во Бугарија, кој се организира по 37ми пат -“Holiday & Spa Expo”.

Можностите за промоција на туризмот АППТ ги промовира заедно со општините Дојран, Струга, Крушево, Струмица, и делегација од повеќе од триесетина туроператори и хотелите Аурора, Изгрев, Силекс, Гогов, Сириус, Парк, Маива, Мизо и туристичката агенцијa Глобус Травел.

“Бугарскиот туристички пазар е еден од најзначајните за туристичкото стопанство на Северна Македонија. Профилот на туристи од Бугарија кои патуваат во нашата земја вклучува посетители чија старосна граница е околу 35-45 години, патуваат организирано (фамилијарни посети), а го посетуваат Охрид, Скопје, Струмица, Делчево, Крива Паланка. Најчесто патуваат за одмор и еднодневни екскурзии во источниот регион на нашата земја,  гастрономско уживање, посета на манифестации и верски туризам”- изјави директорот на АППТ, Љупчо Јаневски.

“Веќе подолг период сме во преговори за поврзување на Северна Македонија и Бугарија, оваа година за септември и октомври се очекуваат првите чартери на релација Софија-Охрид”.

Придобивки од нашето учество на “HOLIDAY & SPA EXPO 2020” е вмрежување и деловни контакти со големи туристички компании низ целиот свет, нови можности за инвестирање и проширување на работа во туристичкиот сектор, учество на конференции, панел дискусии и настани поврзани со иднината и перспективите на туристичкиот сектор, место каде може да се обезбедат договори за испорака на производи и услуги. Саемската манифестација нуди одлична можност да бидеме во тек со најновите трендови и можности за бизнис во туристичкиот сектор, како и набљудување на конкурентното опкружување во регионот и пошироко.

Меѓународната туристичка берза “HOLIDAY & SPA EXPO” е во календарот на најзначајните настани во туристичкиот бизнис веќе 37 години како најрепрезентативен туристички настан во Бугарија, а на кој се промовираат повеќе од 60 дестинации и туристички региони со учество на 20.000 професионалци и посетители.

Промоцијата на македонските туристички дестинации на бугарскиот пазар секако ќе го зголеми бројот на туристи од Бугарија, кој изнесува 7% раст кај туристите и 5% зголемување на ноќевањата во 2019г. Целта за 2020 година е раст на странските туристи од 5-7% ,остварени ноќевања со раст од 10% односно 1,3 милиони туристи, што поблиску до 4 милиони ноќевања и 420 милиони девизен прилив од туризмот.

Согласно последните статистички податоци во периодот јануари – декември 2019 година, во однос на истиот период од претходната година, купниот број на туристите е зголемен за 5.1 %, и тоа: кај домашните туристи има зголемување за 1.9 %, а кај странските има зголемување за 7.1 %.

Во периодот јануари – декември 2019 година, во однос на истиот период од претходната година, вкупниот број на ноќевањата е зголемен за 2.7 %, и тоа: бројот на ноќевањата на домашните туристи остана на исто ниво, а кај странските има зголемување за 5.8 %