Насловна Uncategorized @mk Промоција на македонскиот активен туризам на саем во Словенија

Промоција на македонскиот активен туризам на саем во Словенија

Сподели

Агенцијата за промоција и поддршка на туризмот на Република Македонија втора година по ред го промовира активниот туризам на саемот за туризам Natour Alpe Adria во Љубљана, Словенија.

Покрај активниот туризам, Агенцијата за туризам промовира и традиционална македонска храна и вино, а посетителите имаат можност да дегустираат и македонски ајвар и сирење.

Делегација на Агенцијата за туризам, на саемот во Словенија на кој се присутни 330 тур –оператори од 15 земји, оствари состанок со претставници на вионската компанија Adria Airways, кои покажаа интерес за зголемување на бројот на патници од Љубљана до Скопје. Покрај нив, значајни се средбите со тур-операторите Kompas, Oscar, Elephant travel, Slovenia Experience, а остварена е средба и со Асоцијацијата на словенски водичи, со кои е договорена соработка за споделување на експертиза и професионално искуство за основање на одржлив етички кодекс на туристичките водичи.

На новинарите од Словенија, посебно на Здружението на новинари FIJET, интересот им го разбуди винската рута и планинскиот туризам, но изразија желба да ја промовираат и туристичката понуда на Скопје и Охрид.

На саемот за туризам во Љубљана (1-4.02.2017) ко-егзибитор на штандот на Македонија беше тур-операторот Бадем Тур.