FITUR 2019 се подготвува да биде еден од најсеопфатните настани во кои одржливоста и технологијата повторно ќе бидат во првите редови, заедно со новите концепти, трендови и стратегии насочени кон консолидирање и подобрување на резултатите постигнати на минатогодишниот настан, на кој се собраа 251.000 учесници и истите беа домаќини на повеќе од 6.800 деловни средби.
Во 2018 година FITUR достигна рекордот на учество со 10.190 изложбени компании од 165 земји / региони, 140.120 туристички работници/професионалци и 110.860 посетители од општата јавност. FITUR претставува водечки саем за туризам кој поврзува повеќе континенти и преку кој постои можност за вмрежување помеѓу македонскиот и не само шпанскиот туку и европскиот, и светскиот приватен сектор.
Според официјалните податоци од Државниот завод за статистика во Република Македонија бројот на туристи од Шпанија е во пораст и во 2017та година во споредба со 2016та година, забележан е раст од 64%, додека бројот на ноќевања за 87%.
Имајќи ги во предвид овие статистички показатели, АППТ планира да учествува, па согласно тоа, Ве молиме за информација во која ќе го изразите Вашиот интерес за учество со закуп на пулт на FITUR 2019 во Мадрид, Шпанија.
За учество на меѓународниот саем, потребно е да се испратат скенирани следниве документи:
- Пополнет формулар (печат и потпис)
- Лиценца А (за туристички Агенции)
- Тековна состојба од Централен Регистар на РМ
Интерен правилник за организација, начин, постапка и висина на котизација за учество на меѓународни саеми за туризам
+251.000
учесници
+6.800
деловни средби
165
земји / региони
140.120
туристички работници/професионалци
