Насловна Соопштенија АППТ учесник на традиционален белградски форум со тема “Опен Балкан” и новите...

АППТ учесник на традиционален белградски форум со тема “Опен Балкан” и новите предизвици

Сподели

Агенцијата за промоција и поддршка на туризмот на 19ти и 20ти октомври е учесник на овогодинешниот традиционален белградски форум, во организација на белградската туристичка организација и Центар за развој на туризмот “CERTUS”, со поддршка на Министерство за трговија, туризам и телекомуникации на Република Србија.

Директорот на АППТ, д-р Љупчо Јаневски е учесник на панелот „Отворен Балкан – како да го разберете и да го пополните со заедничка туристичка содржина“, на покана на директорот на Туристичката организација на Белград, г-дин Миодраг Попович. “Ново време, нови предизвици, нови решенија” е темата на вториот панел во рамките на “Отворен Балкан”, на кој заедно со директорот Јаневски панелисти се и директорот на Туристичката организација на Белград- г-дин Миодраг Попович, Аалександар Сеничич- директорот на ЈУТА, Србија,  Стјепан Приморач- туристички кластер Херцеговија, Марко Радич- директор на Туристичка организација на Република Српска. На панелот посветен на конгресниот туризам говорник е г-дин Крсте Блажевски, претседател на Хотелската асоцијација на Македонија.

Сите учесници придонесуваат за успехот на оваа регионална средба со нивното присуство и учество на традиционалниот белградски туристички форум. Одличен повод за размена на искуства и планови за иднината во насока на развој на регионалниот туризам , а во духот на иницијативата за “Отворен Балкан”.

Oдличните резултати во рамките на Отворениот Балка и туристичката индустрија на двете земји, РС Македонија и Република Србија се во позитивна насока. Српски туристи први седум месеци 2019/2022 се зголемени за 16%, додека остварени ноќевања на српски туристи 2019/2022 е со раст за 31%. Воведување нова авио линија во мај 2023 Белград-Охрид два пати неделно ќе значи зголемен проток на туристи и зголемена промоција во рамките на “Отворениот Балкан” и можност за заеднички настапи во иднина на три земји. Обележување и создавање на винските патишта, аплицирање на ИПА проекти, го покажува високото ниво на соработка во туристичкиот сектор кој очекуваме да продолжи со раст помеѓу двете земји и во 2023 година.

“Ја потенцирам потребата од реализација на заеднички проекти за развој на регионалниот туризам, меѓу 6те земји од Западен Балкан. Подготвување и реализирање на заедничките меѓугранични проекти, службените посети, студиските посети, конференции и учество на интернационални саеми за туризам на трети пазари. Треба да акцентираме дека идната соработка вклучува развој на човечки ресурси во туризмот и нивно управување, зошто добро обучен, подготвен и пријателски персонал е клуч за успешен туристичко- угостителски сектор. Гостопримливоста е јака страна на земјите од Западен Балкан, но тоа треба да се надгради со добро обучен и професионален кадар”. “Отворен Балкан” е вистински пример за успешна регионална соработка. Туризмот не познава територијални граници туку само дестинации, а тие се протегаат до каде што туристите имаат интерес да патуваат и истражуваат. Концептот на “Отворен Балкан” е со отворени можности на сите држави кои ја споделуваат оваа економска визија, која ќе создаде конкурентна дестинација во многу аспекти од туристичката индустрија. “Отворен Балкан” сам по себе создава пазар од 11 милиони домашни туристи. Градејки ги мостовите со регионот за брзо патување преку “Зелените зони” треба да размислуваме за нови инвестиции, технологии  и дигитализација, промотивни активности на “Отворен Балкан” и намалување на сезоналноста”-изјави директорот Јаневски.