Насловна Дома си е дома

Дома си е дома

Агенцијата за промоција и поддршка на туризмот – АППТ и Програма за зголемување на пазарната вработливост – ИМЕ, поддржана од Швајцарската агенција за развој и соработка - SDC подготвуваат кампања за промоција на домашниот туризам во Република Северна Македонија под насловот „Дома си е дома“.

Целта на оваа кампања ќе биде да промовира различни дестинации и активности во државата како предлог за посета од страна на домашните туристи во претсојните сезони лето/есен 2020 година. Ова ќе придонесе за поддршка на домашните чинители во туризмот (туроператори, сместувачки капацитети, ресторани, превозници итн.) и поддршка на домашната економија, како одговор на кризата предизвикана од Covid-19.

Фокусот е на зголемување на домашниот туризам, односно зголемување на бројот на домашни туристи и остварени ноќевања. Таргет се сите домашни туристи странски државјани кои живеат/работат во РСМ, но потенцијалн и туристи од регионот и странство, во согласност со постоечките рестрикции за патување.

Како најважен елемент за промоција се промотивните видеа кои ќе се изработат за потребите на кампањата. Фокусот ќе биде на 10 дестинации низ државава, кои опфаќаат дополнително по 3-5 локации по дестинација. Промотивни видеа од туристички дестинации во РСМ, ќе бидат претставени преку конкретни активности/ производи од активниот туризам (планинарење, велосипедизам, спортско качување итн.), во комбинација со културни искуства, рурални предели и гастрономија.

Демир Капија, Кавадарци, Стоби

Галичник, Маврово

Вевчани, Струга, Охрид

Преспа, Брајчино, Битола

Шар Планина, Тетово, Гостивар

Смоларски, Гевгелија, Дојран

Кратово, Кокино, Куклици

Слоганот под кој ќе се одвива оваа промотивна маркетинг кампања е „Дома си е дома“ и ќе започне на почетокот на месец Јули (ќе се следат препораките од Владата), а ќе трае до крајот на тековнава година.

За поуспешно развивање на овој концепт, на Република Македонија и е потребна помош од Вас за да ја популаризираме оваа идеја.

Еве на кој начин можете да помогнете:

Креирајте видео од 30 секунди во кое ќе се снимите себеси и ќе раскажете која дестинација би ја посетиле на ниво на државава и што би правеле таму. Доколку сакате, дадете му хумористична димензија и постирајте го на било кој социјален медиум со хаштаг #domasiedoma.

Начини на кои можете да дадете придонес:

- Постирајте нешто на вашиот Фејсбук со хаштаг #domasiedoma, и ставете го во settings Public

- Споделете го видеото на Инстаграм или Фејзбук и тагнете го со #domasiedoma

Би било одлично ако не следите и на социјалните медиуми:

Facebook и Instagram:

Очекувањата ни се домашните туристи да овозможат зајакнување на туризмот и домашната економија, како и задржување на секое работно место во оваа индустрија која во овој момент е многу ранлива поради кризата.

Резултатите постигнати од оваа кампања ќе ќе зависат од тоа дали екскурзиите, викендите, повеќедневните одмори, планинарења, рекреативни и спортски активности во природа, ќе се одвиваат во рамките на нашите туристички капацитети и ресурси. Целта, но уште поважно пораката што се праќа со оваа кампања е дека секој од нас со тоа што ќе избере да летува дома учествува во помош на приближно 40.000 вработени во туристичко-угостителската индустрија.

Затоа, испијте го вашето кафе на територијата на државава, посетете некоја од дестинациите каде одамна или никогаш не сте биле и поминете викенд на планина, езеро или во винарија. Потсетете се што значи да си дома, затоа што само “дома си е дома”.

Огромна благодарност за Вашата поддршка.