Агенцијата има отпочнато многу проекти еден од нив е изработка и печатење на гастрономски водич „Вкусовите на Македонија“ кој го изработивме и печатевме 2018 година. За 2021 година појави потреба за редизајн на гастрономскиот водич кој ќе биде збогатен со повеќе традиционални рецепти од регионите како и настани и манифестации поврзани со наши традиционални јадења.
Република Северна Македонија е поделена на осум плански региони. Клучни елементи за подобрување на економската иднина и квалитетот на животот на граѓаните во планските региони има и туризмот . Имено, согласно проектот евиденција на традиционални македонски јадења кои се поврзани со традиционални македонски настани и манифестации ќе биде според следните плански региони и тоа:
-скопски плански регион
-североисточен плански регион
-источен плански регион
-југоисточен плански регион
-вардарски плански регион
-пелагониски плански регион
-југозападен плански регион
-полошки плански регион.
Главна цел на проектот е евиденција и промоција на македонската традиција пренесена преку традиционалните македонски јадења и традиционални македонски манифестации и настани кое се одржуваат тардиционално секоја година каде се готват и дегустираат македонски јадења. Секој плански регион има свои специфични традиционални јадења кои го обележуваат регионот исто така и настани кои се поврзани со традиционалниот рецепт и специфичноста на подготвувањето на тоа јадење.
Проектот е наменет за евидентирање на традиционални македонски рецепти кои се поврзани со традиционални манифестации со кој се обележува планскиот регион.
По завршување на проектот ќе бидат евидентирани традиционални македонски рецепти и традиционални македонски настани и манифестации по планските региони.
Врз основа податоците кои ќе бидат собрани ќе биде испечатен промотивен матерјал.
По завршувањето на проектните активности ќе се изврши и евалуација на проектот, што ќе ни ја покаже успешноста на активностите и ќе предвиди идно следење на ефектите од проектот.
