Насловна CMT Stutgart

CMT Stutgart

Саемот во Штутгарт, Германија (11-19 јануари 2020 година)  е посетен од над 2100 излагачи кои ги промовираат своите идеи за одмор на некои од најубавите дестианции во светот. Ова е место каде главните и најголеми новости од туристичката индустрија се разменуваат и воедно место од каде почнува подготовката на програми кои вклучуваат кампување и каравани. Специјални теми на овој саем за патување се велосипедизам, голф, велнес, крстарење и култура.

Понудата на овој саем е значително голема или околу 100 земји и 360 градови и региони ја изложуваат секоја година својата понуда. На саемот СМТ во Штутгарт, Германија во 2019година саемот го посетија 260.000 посетители во рок од 9 дена, што го направи еден од најголемите и најдинамични туристички настани на ниво на Германија во туризмот.  Во текот на времетраење од 9 дена, на саемот во Штутгарт во 2019 година се организира околу 40 настани кои се покажаа како атрактивни за скоро 40.000 посетители, а 25% од нив патувале и до 100 км за да го посетат, што е за 14% повеќе од претходната година. Дополнително, 91% од испитаниците кои го посетиле саемот изјавиле дека во 2020 ќе се вратат повторно, додека 97% од нив би го препорачале на своите пријатели.

Во последните години балканските земји се во фокусот на овој саем за кој пријавата е во втората половина на годинава. На интернет страната на саемот можат да се видат сведоштва на излагачите, меѓу кои и споделени искуства на соседна Република Србија при нивното 9 годишно учество на овој саем и резултатите од партнерството со саемот во 2014тата година. На саемот кој е планиран да се одржи во 2020 година, Црна Гора го најави своето партнерство со овој саем каде ќе се обиде да привлече што повеќе туристи од јужниот дел на Германија.

-Известување за Интернационална саемска манифестација

За учество на меѓународниот саем, потребно е да се испратат скенирани следниве документи:

  1. Пополнет формулар (печат и потпис)
  2. Лиценца А (за туристички Агенции)
  3. Тековна состојба од Централен Регистар на РМ
Интерен правилник за организација, начин, постапка и висина на котизација за учество на меѓународни саеми за туризам

 

Саеми

*при прикачување на документите Ве молиме да ги селектирате одеднаш сите, при што во десниот дел до копчето „Choose Files" ќе ви се прикаже бројот на прикачени документи.