”Sajam Turizma” 23-26 февруари 2023 Белград, Србија
2023-та година е 44-от меѓународен саем за туризам ”SAJAM TURIZMA” во Белград. Првиот ден од саемот е отворен само за професионалци во туристичката индустрија на кои им се овозможува удобна работна средина со цел подобро вмрежување со тековните партнери и запознавање на нови. Секоја година, ”SAJAM TURIZMA” е домаќин на повеќе од 400 изложувачи од над 25 земји на површина од 30.753m2, како и над 8.000 професионалци од туристичката индустрија - учесници, посетители и гости. Во 2022 саемот го посетиле 32.115.
Зошто да присуствувате на ”SAJAM TURIZMA”?
- Ќе добиете пристап до пазар со повеќе од 10 милиони потенцијални туристи од Југоисточна Европа;
- Можете да воспоставите директен контакт со повеќе од 8.000 посетители и претставници на медиумите;
- Ќе добиете прмоција на дестинација преку печатен билтен и дигитални платформи;
- Размена на информации со домашни и меѓународни туристички експерти за последните трендови на туристичките пазари - во Србија, на Балканот и во светот;
- Можност за online закажување состаноци;
Зошто да го посетите “SAJAM TURIZMA”?
- Присуство на повеќе од 1000 излагачи од 50 земји;
- Добивате увид во современите трендови и добрите пракси преку едукативната програма на саемот;
- Бидејќи Србија и Белград се препознатлива дестинација која нуди богата, културна и забавна програма за време на саемот;
- Место каде може да обезбедете договори за испорака на производи и услуги;
- Набљудување на конкурентно опкружување;
Преку прилагодена туристичка понуда традиционално македонското туристичко стопанство ги презентираа туристичките капацитети кои ги има Македонија. Истата е насочена кон, богата култура, вински туризам, гастрономија, убавините на Дојран и Југоисточниот регион, алтернативни форми на туризмот, а се во интерес на српскиот туристички пазар. Во духот на добрососедство и подобрување на работната клима што е предуслов за развој на туристичкиот сектор, Агенцијата за промоција и поддршка на туризмот на Република Северна Македонија на саемот во Србија покажува дека е отворена за отпочнување на соработка и размена на искуства со чинителите од србскиот и регионалниот туристички пазар.
-Известување за Интернационална саемска манифестација
За учество на меѓународниот саем, потребно е да се испратат скенирани следниве документи:
- Пополнет формулар (печат и потпис)
- Лиценца А (за туристички Агенции)
- Тековна состојба од Централен Регистар на РМ
Интерен правилник за организација, начин, постапка и висина на котизација за учество на меѓународни саеми за туризам
Правилник за измена на Интерен правилник за организација, начин, постапка и висина на котизација за учество на меѓународни саеми за туризам
