Насловна Соопштенија АППТ присуствуваше на Саемот за туризам во Ниш

АППТ присуствуваше на Саемот за туризам во Ниш

Сподели

Туристичката организација на Ниш го организираше првиот Саем за туризам, што се одржа на отворено, со што го најави закрепнувањето на туризмот во регионот. Настанот се одржа од 6 до 8 септември, а на саемот присуствуваше и Агенцијата за промоција и поддршка на туризмот.

Согласно мерките за превенција од ширење на коронавирусот Туристичката организација на Ниш одлучи повторно на едно место да ги собере сите актери на туристичката индустрија – туристички организации, агенции, оператори, хотелиери, организатори на настани, претставници на здруженија за активен одмор, производители на сувенири од Ниш, Србија, но и од целиот балкански регион, соопшти Агенцијата за промоција и поддршка на туризмот.

Од АППТ додаваат дека идејата е со почитување на протоколите, туристичката индустрија повторно да се поврзе на едно место, спојувајќи ги дестинациите со побарувачка од европските и балканските туристички оператори и туристи.

Меѓународниот саем за туризам се одржува како дел од настанот – Денови на туристички и промотивни кампањи, со слоган „Избирам со срце – го избирам Ниш”.

За време на настанот, АППТ оствари средба со градоначалникот на Ниш, како и со дел од туристичкиот сектор со кои разменија искуства од пандемијата.