Агенцијата за промоција и поддршка на туризмот на РС Македонија традиционално ќе учествува на интернационалниот саем за туризам „Vakantiebeurs" што се одржува во период од 16 до 19 јануари 2020 година во Утрехт, Холандија.
Холандскиот пазар кој е еден од првите и најлојални туристички пазари на РС Македонија продолжува да расте. Лојалноста во туризмот која најтешко се постигнува, РС Македонија на овој пазар и официјално ја постигна со тоа што успеа да врати по втор или трет пат холандски туристи кои имаат желба да посетат и други делови од земјава, освен најголемите туристички центри.
Саемот во 2019та година беше посетен од над 117.000 посетители и над 1.200 изложувачи од 65 земји од светот.
„Vakantiebeurs” претставува водечки саем за туризам во Холандија преку кој постои можност за вмрежување помеѓу македонскиот и холандскиот приватен сектор. Ова индиректно придонесува за контунуиран раст на бројот на холандски туристи во РС Македонија. Согласно статистичките податоци во седум месеци од 2019 година во споредба со истиот период лани растот е континуиран и изнесува 13% во бројот на туристи и 16% во бројот на ноќевања.
-Известување за Интернационална саемска манифестација
За учество на меѓународниот саем, потребно е да се испратат скенирани следниве документи:
- Пополнет формулар (печат и потпис)
- Лиценца А (за туристички Агенции)
- Тековна состојба од Централен Регистар на РМ
Интерен правилник за организација, начин, постапка и висина на котизација за учество на меѓународни саеми за туризам
