Саемот за туризам во Измир, Турција “TRAVEL TURKEY İzmir” е еден од водечките туристички настани во Турција, кој го соединува туристичкиот сектор на национално и меѓународно ниво секоја година. Истиот ќе се одржи од 8ти до 10-ти декември 2022 година, во организација на TÜRSAB - Здружението на турски туристички агенции и İZFAŞ, под покровителство на Република Турција, Министерство за култура и туризам.
Саемската манифестација секоја година има одлична медиумска покриеност со што на изложувачите им се овозможува зајакнување на врските со странските пазари, во насока на постигнување на бизнис целите. Секоја година, концептот на саемот може да се следи на веб страната www.travelturkeyexpo.com кога распоредот на настаните се одредува според барањата на учесниците.
Зошто да присуствувате на ''TRAVEL TURKEY Izmir 2022''?
- Развој на веќе постоечки деловни односи;
- Воспоставување нови врски и партнерства, како и нови договори за соработка;
- Создавање на свеста за исклучителен бренд и негово зајакнување;
- Стартување и промоција на нови производи и услуги;
- Размена на информации со домашни и меѓународни туристички експерти;
- Можност за закажување на B2B состаноци со купувачи од странство;
- Развој на задоволството на клиентите;
- Воведување нови туристички трендови и дестинации за одмор.
Авионски конекции со Турција
- Turkish Airlines/директна линија Скопје- Истанбул
- Pegasus Airlines/Istanbul Sabiha, сезонска линија Измир - Скопје
- Сан експрес чартер сезонска линија Измир-Скопје
Турскиот туристички пазар е еден од најзначајните за туристичкото стопанство на Македонија. Старосна граница на турските туристи кои патуваат во Македонија е околу 35-45 години. Патуваат организиранио (фамилијарни посети), а го посетуваат Охрид, Скопје, Битола, Дебар, Тетово, Гостивар. Најчесто патуваат за посета на роднини, одмор и екскурзии. Дирекните авионски линии, блискоста со македонскиот народ го зголемува интересот на турските туристи за посета на Република Македонија. Оваа година Агенцијата за туризам за прв пат спроведе маркетинг/медиумска кампања во Турција. Промоцијата на македонскиот туристички потенцијал и туристичките содржини беа промовирани на онлајн порталот www.gezimanya.com
-Известување за Интернационална саемска манифестација
За учество на меѓународниот саем, потребно е да се испратат скенирани следниве документи:
- Пополнет формулар (печат и потпис)
- Лиценца А (за туристички Агенции)
- Тековна состојба од Централен Регистар на РМ
Интерен правилник за организација, начин, постапка и висина на котизација за учество на меѓународни саеми за туризам
