logo

Агенција за промоција и поддршка на туризмот

 




 Соопштение за медиуми

 



Саем:  ITM Warsaw 
Земја: Полска, Варшава  
Датум: 24 - 26 Јануари 2013

 

Македонија привлекува тур-оператори на саемот за туризам во Полска

 

Во организација на Агенција за промоција и подршка на туризмот (АППТ), Република Македонија за прв пат го претстави својот потенцијал на саемот за туризам во Варшава, Полска. Саемот се одржува од 24-26ти Јануари 2013 година, каде Република Македонија има свој штанд.
Директорот на АППТ, Јордан Трајков, смета дека Полска има голем потенцијал.

- Ова саемско претставување е втор логичен чекор во долгорочниот промотивен план за оваа зејма, после минатогодишните средби што ги правевме помеѓу македонски туристички агенции и полски тур оператори во Познањ, Варшава и Краков. На саемот се претставивме подготвени, со нови промотивни мматеријали на Полски јазик и пред се прекрасен штанд. Во рамките на саемската манифестација, во најфрекфентниот период во текот на вториот ден, заедно со г-дин Љупчо Михаиловски, ќе одржиме презенцатија пред Полски тур оператори и новинари", рече Директорот Трајков и нагласи дека позициите во туризмот се градат долгорочно, со многу правилни чекори: "Со ваквиот долгоролен настап очекувам да продолжи тренд на зголемување на бројот на Полски турски кај нас - вели Трајков.


Економскиот промотор за Полска и Унгарија, Љупчо Михаиловски потенцираше дека помеѓу Македонија и Полска има големи сличности во многу сегменти, па тука ги гледа предностите.

- Полска е голема земја и е една од ретките земји во Европската Унија која во услови на економска криза, имаше растечка економија, при што нивната економија е компатибилна со нашата. Ова е доволен показател за можни позитивни економски односи на повеќе полиња, вклучувајќи го и туризмот. Се радувам што се претавуваме овде и очекувам тоа да донесе значително поголем број на туристи од Полска во Македонија - рече тој.

Агенцијата за поддршка и промоција на туризмот, во моментов ја претставува Република Македонија на четврти по ред саем за туризам за оваа година. По успешното претставување на саемите за туризам во Холандија, Австрија и Финска, Република Македонија од 24-26ти Јануари ги претставува своите туристички можности и капацитети во Полска. Во програмата на Агенцијата за поддршка и промоција на туризмот, предвидено е до крајот на 2013 година, Република Македонија да се претстави на 17 саеми за туризам низ светот. 

__________________________________________________________________________________________________________

 

Саем:  FERIEN Messe Wien
Земја: Австрија, Виена
Датум: 10 - 13 Јануари 2013

 

Македонија со атрактивна понуда на Виенскиот саем за туризам



Македонија се претставува на Саемот за туризам во Виена со нови промотивни материјали, на голем штанд, со транспаренти, кои оддалеку го привлекуваат вниманието на посетителот.

Во организација на „Агенцијата за туризам“ и „Македонија - вечна“, во придружба на четири приватни компании, австриско-македонската „Мак Сан Травел“, австриските „Клуг туристик ГмбХ“ и „Интер Травел Рајзебиро ГмбХ“ и македонската „Визит Маседониа“, а со поддршка на Агенцијата за привлекување на странски директни инвестиции и Амбасадата на Република Македонија во Виена, Македонија го интензивира присуството и успеа да привлече туристи од Австрија, кадешто досега не постоел традиционален интерес за нашето културно наслеследство.

Македонскиот штанд го посети амбасадорот на РМ во Виена, Ѓорѓи Филипов. Во разговор со директорот на Агенцијата, Јордан Трајков, економскиот промотор Филип Нелковски и претставниците на сите четири компании, беше искажано задоволството од приемчивоста и интересот на Австријците за „новата туристичка дестинација“ и исцрпните материјали кои на германски јазик, го информираат посетителот за неоткриениот бисер на културата и природни реткости на Балканот.

__________________________________________________________________________________________________________

 

Саем:  EMITT  
Земја: Турција, Истанбул 
Датум: 24 - 27 Јануари 2013

 

Македонија се претстави на туристички саем во Истанбул



Македонија го претстави својот туристички потенцијал на саемот за туризам во Истанбул, Турција, кој се одржа од 24 до 27 јануари 2013 година, каде што земјава имаше свој штанд организиран од Агенцијата за промоција и поддршка на туризмот.

- Интересот од страна на туристите од Турција е многу голем, а тоа се должи пред се заради семејната поврзаност, но и поради тоа што сакаат да го следат нашето културно наследство, од кое се воодушевени. Природните убавини се уште една причина поради која од кружните туристички тури организирани низ Балканот, најмногу време да поминат во нашата земја - изјави директорот на Агенцијата за поддршка и промоција на туризмот, Јордан Трајков.

Агенцијата за поддршка и промоција на туризмот ја претстави Република Македонија на петти по ред саем за туризам оваа година по саемите во Холандија, Австрија, Финска и Полска.

Во програмата на Агенцијата за поддршка и промоција на туризмот, предвидено е до крајот на 2013 година Македонија да се претстави на вкупно 17 саеми за туризам низ светот. 

__________________________________________________________________________________________________________

 

Саем:  Bit                                                                              
Земја: Италија, Милано                                                                  
Датум: 14-17 Февруари 2013     

 

Македонија промовирана на саем за туризам во Милано 



Во рамки на  планираните саемски презентации за оваа година од страна на АППТ, во периодот од 14-17 февруари 2013 година, Република Македонија за првпат беше присутна на саемот за туризам Bit 2013 во Милано, Италија.

Македонските туристички потенцијали беа презентирани на италијанскиот пазар со штанд на кој исто така земаа учество и туристички агенции од нашата земја, кои италијанскиот пазар го одредиле како таргет.

Во текот на четиридневното промовирање беше организирана презентација на туристичкиот потенцијал на Македонија пред туроператори и новинари од Италија, како и пред потенцијални туристи, проследена со дегустација на традиционална македонска храна и вино. 

Презентацијата беше отворена од страна на генералниот конзул на Република Македонија во Италија, Г-дин Амон Бајрамовски  кој истакна дека позитивните билатерални односи помеѓу двете земји и одличните дипломатски, економски и политички односи преставуваат добра основа за проширување на соработката и во туристичкиот сектор. 

Презентацијата на туристичкиот потенцијал на нашата земја проследена со видео материјал од промотивната кампања Macedonia Timeless, ги покани присутните да ја посетат нашата земја и лично да се запознаат со богатата  историја, култура, религија, архитектура, природа и секако вкусна храна и вино на кои ниту еден посетител не останува рамнодушен.

Комбинирајќи ги познавањата на туристичките потенцијали и регулативите во нашата земја од страна на преставниците на АППТ  и туристичките агенции, со контактите на нашиот конзулат, ангажираност на нашиот економски промотор во Италија Г-дин Иван Илиев, како и на почесниот конзул на Република Македонија во Италија г-дин Франко Пилато, направена е уште една успешна промоција која претставува почеток на низа планирани промотивни активности во правец на зголемување на бројот на туристи од овој исклучително значаен европски пазар кој покажува интерес за религиозниот туризам и кружните тури низ балканот вклучувајќи ја и нашата земја.

Саемот Bit 2013 имаше над 2.000 излагачи, од повеќе од 120 земји кои ги промовираат своите потенцијали на површина од 86.000м2. Бројот на посетители од 90.000, како и присуството на 60.000 професионалци во туризмот од кои 44% се  туристички агенции и 3.500 новинари преставуваат причина повеќе за одлуката за промовирање на нашата земја во рамки на овој реномиран саем од областа на туризмот.

__________________________________________________________________________________________________________

 

Саем:  Vakantiebeurs 
Земја: Холандија,  Утрехт                                                   
Датум: 08 - 13  Јануари 2013   

 

Туристичката понуда на Охрид и на Македонија беше презентирана на Меѓународниот саем за туризам, што од 8-ми до 13-ти овој месец се  одржа во холандскиот град Утрехт.

 

На штандот што заеднички го организираа Општина Охрид и Агенцијата за поддршка на туризмот на Република Македонија, покрај туристичката понуда, беа промовирани и македонски вина од повеќе винарии.

Туристичките работници од Охрид, изразија задоволство од зголемениот интерес на холанските посетители на   македонскиот штанд, што се должи и на ангажманот на холандските партнерски тур-оператори „Корендон“ и „ТУИ“ кои веќе се етаблираа како промотори на туристичката понуда на Македонија во државите од Бенелукс.

За време на одржување на саемот, раководителот на општинскиот Сектор за туризам и локален економски развој Гоце Симоноски и претставници на повеќе хотели, ресторани и туристички агенции од Охрид, остварија разговори со претставници на  еминентни холандски туроператори, при што се договорени повеќе промотивни активности за холандските туроператори и медиуми предвидени да се одржат годинава во Охрид.

___________________________________________________________________________________________________________

 

Саем:  IFT 
Земја: Србија, Белград 
Датум: 21 - 24 Февруари 2013

 

Македонија претставена на саемот за туризам во Белград

 

Република Македонија успешно ги претстави туристичките потенцијали и можности на саемот за туризам во Белград, Србија, во организација на тимот на Агенцијата за промоција и поддршка на туризмот (АППТ).

Во рамките на деветтиот по ред Меѓународен саем за туризам на кој учествуваше Македонија оваа година, беше организирано уште едно успешно претставување на новините во областа на туризмот пред огромен број заинтересирани српски туристи и новинари. Посетителите имаа можност да уживаат во традиционална македонска храна, прекрасни вина и македонската музика и ора. 

Љубиша Георгиевски, Амбасадорот на Република Македонија во Србија истакна дека македонската презентација на Саемот за туризам во Белград се одликуваше со една ветувачка зрелост и според видот и начинот на  агирање и според посетеноста и уредбата на самиот штанд. 

„Ова покажува нешто добро , но за жал и нешто недоволно. Доброто е во зрелоста на концептот и компетентноста на самата изведба што сугерираат зрелост. Но зрелоста сама по себе е меч со две оштрици: зрелоста сама по себе е не само повик за понатамошен раст, туку истовремено е и аларм кој предупредува на потребата за понатамошен развој, оти по зрелоста ако таа не се развива офанзивно, следува некроза!? Новумот кој го сугерира зрелоста на нашиот туризам (кој е зрел за промени) би се состоел во  осмислување на што повеќе сегменти на  туризмот: здравствениот, религиозниот, забавниот, хуманитарниот, рекреативниот..... Овие промени треба да започнат од амперацијата на  тарегтираните туристи од ниска средна класа кон висока, па и највисока. Таквите туристи не се задоволуваат само со сончање на преполните плажи, туку сакаат густа, атрактивна програма со сите можни сегменти.Инаку нашиот  штанд по ништо не се разликуваше од грчките пандани, иако тие ниту  имаат, ниту наскоро ќе имаат „Охридско лето“ на пример“,изјави Георгиевски.

На саемот за туризам во Белград,  Директорот на Агенцијата за промоција и поддршка на туризам на Македонија, Јордан Трајков имаше средба со претставници на туристичките организации од земјите во Југоисточна Европа на која беа договорени заеднички активности во областа на туризмот. Средбата имаше за цел регионот да се претвори во заеднички бренд за да се привлекуваат туристи од  трети, далечни пазари: Кина, Индија, Јужна Кореја, Јапонија, Австралија, Америка. /крај/

__________________________________________________________________________________________________________

 

Саем:  HOLIDAY&SPA EXPO   
Земја: Бугарија, Софија   
Датум: 14-16  Февруари 2013   

 

Претставување на Македонија на саем за туризам во Софија



Во организација на тимот на Агенцијата за промоција и поддршка на туризмот (АППТ), Македонија успешно ги претставува туристичките потенцијали и можности на саемот за туризам во Софија, кој завршува утре. 

Република Македонија ги претстави своите туристички потенцијали и можности на официјална прес-конференција пред голем број новинари. Гостите исто така имаа можност да уживаат во традиционална македонска храна и прекрасни вина.

- На полето на туристичката размена, резултатите на АППТ за 2012 година покажаа дека Бугарија се наоѓа на петтото место после Грција, Турција, Србија и Холандија. Ние работиме на тоа Бугарија да најде меѓу првите три наши туристички партнери затоа што за тоа ги имаме сите претпоставки и затоа што тоа им доликува на нашите два блиски соседни народи, изјави македонскиот амабасадор во Софија Благој Ханџиски.

Васко Шутаров, директор на Културно-информативниот Центар на Република Македонија во Софија истакна дека културата е едно од најпрепознатливите обележја на земјата и  едно од највредните туристички богатства, што нашата држава може да им го понуди на гостите од сите светски меридијани.

- За публиката во Софија, во рамките на програмата на Културно-информативниот Центар, помогнато од Министерстввото за култура, организиравме концерт на младата гитаристка Македонка Ичева, која покрај  класичниот опус на гитара, се претстави и со обработка на познати македонски евергрини и староградски песни. И на македонскиот штанд на Саемот, единствено ние како држава имавме своја културна програма, а настапот на Македонка Ичева со грст интерпретации од најубавата македонска музичка ризница, предизвика исклучителен интерес кај гостите на Саемот за туризам-Софија 2013 година, изјави Шутаров.

Економскиот промотор на Македонија во Бугарија Ана Стојкова потенцираше дека Бугарија претставува исклучително важен економски и туристички партнер на нашата земја и од двата аспекти е позиционирана во првите пет земји со кои Македонија остварува успешна соработка во изминатите години.

- Во рамките на Меѓународниот саем за туризам беше организирано успешно претставување на новините во областа на туризмот на Македонија пред речиси стотина тур-операторите и туристички новинари од Бугарија. Ваквиот одѕив на презентацијата и на впечатливиот штанд, посетата на министерот за економија Делјан Добрев и остварените меѓусебни бизнис контакти се релевантен показател за интересот на бугарските туристи за Македонија како туристичка дестинација и ни дава за право да очекуваме зголемување на нивниот број во нашата земја во идниот период, вели Стојкова.

Македонија се претставува на осмиот по ред меѓународен саем оваа година од вкупно седумнаесет со свој впечатлив штанд и нови промотивни материјали. 

____________________________________________________________________________________________


Саем:  ITB 
Земја: Германија, Берлин
Датум: 06 - 10 Март 2013

 

Туристичката понуда на Охрид и Македонија презентирана на Меѓународниот саем во Берлин



Туристичката понуда на Охрид и на Македонија беа презентирани на туристичкиот саем во Берлин.

Потврда на угледот на саемската манифестација, што се одржа од 6 до 10 март, и што важи за една од водечките во светски рамки е податокот дека оваа година манифестацијата ја посетиле над 200 илјади посетители, а своите потенцијали во областа на туризмот ги претставиле повеќе од десет илјади излагачи од целиот свет.

Општина Охрид во соработка со Агенцијата за промоција на туризмот, на својот штанд покрај своите автентични вредности, заедно со повеќе балкански тур-оператори и партнери, промовираше регионален пристап во привлекувањето на потенцијалните гости. Охрид со својата понуда се најде на повеќето туристички мапи кои промовираат културен, религиски и еко-туризам.

Покрај големата посетеност и остварени бројни контакти, Охрид и Македонија најдоа посебно место во германскте медиуми, а беше реализирана и кратка телевизиска сторија за продукциската куќа „ФМ Медиа“. 

Назад 

Креиран од kate7 на 08.04.2013