logo

Агенција за промоција и поддршка на туризмот

 



                                                 

ВЛАДА НА РЕПУБЛИКА МАКЕДОНИЈА  
AГЕНЦИЈА ЗА ПРОМОЦИЈА И ПОДДРШКА НА ТУРИЗАМ
Ул. Македонија бр.12А (Феудална кула) 1000 Скопје
Тел.02/3223-146; 3223-101; 046/789-428
www.tourismmacedonia.gov.mwww.macedonia-timeless.com

 

Соопштение до медиуми,

 

Се одржа првата конференција за здравствен туризам

 

Агенцијата за поддршка и промоција на туризмот, Министерството транспорт и врски, министерството за здравство и Министерството за економија денес оддржаа прес конференција по повод првата конференција за здравствен туризам.

На конференцијата се промовираше националната стратегија за развој и промоција на здравствениот туризам во Република Македонија за периодот 2012-2018 година.

 

Директорот на Агенцијата за поддршка и промоција на туризмот истакна дека со промовирањето на Македонија во светот, ќе го проовира и здравствениот туризам.

 

“Со развојот на здравствениот туризам директно ќе влијаеме на зголемувањето на девизниот прилив, јакнењето на јавните и приватните здравствени институции, намалување на невработеноста и нормално, подобра позиција за компаниите кои работат во областа на туризмот. Со јакнењето на оваа гранка, создаваме можност да се зголеми  приливот на етаблирани професионалци. Со тоа, повеќе од јасно е дека здравствениот туризам е еден од битните фактори за развој на македонската економија” – рече Јордан Трајков, Директор на Агенцијата за промоција и поддршка на туризмот.

 

Министерот за транспорт и врски го поддржа развојот на здравствениот туризам и вети дека ќе направи се во рамките на своите надлежности за негова реализација.

 

“Континуирано работиме на подобрување на инфраструктурата, а со модернизацијата на аеродромите, Македонија сана поатрактивна земја за секој вид туризам. Во рамките на нашите надлежности во градежното земјиште имаме и активности кои се со цел изградба на нови објекти, во тек е подготовка на нови локации за изградба на бањи во Кратово, Пробиштип, Виница, Штип, Струмица и  Дебар кои дополнително би придонеле за зголемување на понудата за здравствен туризам” – изјави Министерот за транспорт и врски, Миле Јанакиески

 

Минатата но и оваа година достигнавме еден од најголемите порасти во туризмот изминативе 10 години, рече Министерот за економија, Валон Сарачини и додаде “ Вкупниот број на туристи во минатата година е зголемен за 10,5%, додека ноќевањата забележаа пораст од 7,6% . Бројот на странските туристи е качен на 25,1% а ноќевањата на 35,1%. Девизниот прилив за 2011 е зголемен за 25%.Предвидувањата се дека остварениот девизен прилив во 2013 година ќе достигне зголемен процент од преку 30%, додека вкупните вработувања во туризмот ќе пораснат за 10%”, рече Министерот за економија, Валон Сарачини.

 

“Како основа во здравствениот туризам е подобрување на условите во здравствените установи, набавена е нова медицинска опрема, a во тек е реконструкција на здравствените установи во Македонија. Вредноста на овие проекти е 100 милиони евра, а со тоа здравствените установи ќе ги пружат сите условите неопходни за привлекување на домашни и странски пациенти ” истакна Министерот за здравство, Никола Тодоров.

 

По прес конференцијата, претставниците на здравствените установи имаа можност да се сретнат со Министрите и да ги презентираат проблемите и барањата во насока на развој на здравствениот туризам. 

Назад 

Креиран од kate7 на 24.12.2012