logo

Агенција за промоција и поддршка на туризмот

 


Важноста на регионалната соработка потенцирана за време на саемот за туризам во Тирана, Албанија

 

Важноста на регионалната соработка потенцирана за време на саемот за туризам во Тирана, Албанија


 

Агенцијата за промоција и поддршка на туризмот (АППТ) на Република Македонија викендов за прв пат ја претстави туристичката понуда на Македонија на првиот меѓународен саем за туризам (MTF - Mediteranian tourism fair) во Тирана, Албанија.

 

За време на саемот за туризам во Албанија, кој беше во организација на албанската влада, АППТ ги претстави природата и културата со кои располага Македонија пред 73 излагачи и бројни гости, а интересот беше оргомен, посебно од помладата публика.

 

 

Штандот на Македонија воедно беше посетен и од видни претставници на албанската влада како г-а Милва Економи, Министер за економски развој, туризам, трговија и претприемништво на Албанија, г-дин Ардит Чолаку, Директор на Агенцијата за туризам на Албанија, но и од г-дин Стојан Карајанов, Амбасадор на Република Македонија во Албанија.

 

Директорката на АППТ, г-а Лела Крстевска беше учесник и на панел дискусија за време на саемот заедно со министерот за трговија и индустрија на Косово, г-а Хикмете Бајрами, министерот за економски развој, туризам, трговија и претприемништво на Албанија, г-а Милва Економи и г-дин Брајан Вилијам, координатор на Обединетите Нации во Албанија.

 

 

За време на дискусијата насловена како како “Регионална соработка во туризмот во контекст на меѓународната година за одржлив туризам и развој: Предизвици и долгорочен поглед” ја истакна суштината на меѓународната соработка во регионот и ја потенцираше нејзината важност во име на одржливиот туризам.

 

За време на панелот Крстевска стави акцент на тоа дека оваа година земјите од Балканот – Македонија, Албанија, Србија, Црна Гора и Босна и Херцеговина заедно ќе се престават на саемот за туризам во Јапонија,како една дестинација за Азиските земји, со што се потврдуваважноста на регионалната соработката.

 

 

Со почит,

 

Агенција за промоција и поддршка на туризмот на РепубликаМакедонија

 


Назад 

Креиран од Mevludin.S на 10.04.2017