logo

Агенција за промоција и поддршка на туризмот

 


Насловна страна за Македонија во престижниот чешки магазин Лајк

Насловна страна за Македонија во престижниот чешки магазин Лајк

 

Со наслов “Македонија – убавина скриена во приказните”, земјава се најде на насловната страна на престижниот магазин за туризам во Чешка – Like.


Опишувајќи ја како земја на еден од најстарите европски народи полна со културни и историски знаменитости, магазинот Like силно препорачува да се одвои време за посета на уникатната сценографија креирана од природата.


Преку симпатичен дескриптивен текст, магазинот со наративност која инволвира историски податоци, прави мала тура низ земјава опишувајќи го секој туристички потенцијал кој кој го има.Низ текстот, покрај Скопје како главен град, магазинот одвојува две страни за презентација на убавините на Скопје и Охрид.

 



“Приказни кои не се раскажани, убавина која не е видена” е реченицата со која го опишува чувството за градот Охрид, кој е под двојна заштита на УНЕСКО. “Опкружен со национални паркови, градот-музеј денес е едно од најатрактивните места за туристи” пишува Like и додава дека “…oхридското езеро е суперлатив на природниот феномен, дом на бројни ендемски видови на флора и фауна кое е од тектонска природа.”Воедно, најголемиот и најстар чешки тур-оператор Чедок, ја вклучи Македонија во своите каталози во 2017та година.


Like магазинот е едно од туристичките изданија на тур-операторот Чедок, кадешто се промовираат нови, предлог дестинации, за 2017та година. Овој каталог и магазин се дистрибуира на сите туристички агенции кои се партнери на тур-операторот Чедок, како и пошироката јавност.

Назад 

Креиран од ketrin на 16.02.2017