logo

Агенција за промоција и поддршка на туризмот

 


Македонија за прв пат на саем за туризам во Израел

Македонија за прв пат на саем за туризам во Израел

 

Агенцијата за промоција и поддршка на туризмот (АППТ) на Република Македонија за прв пат ја претстави туристичката понуда на саемот за туризам во Тел Авив, Израел (IMTM – Tel Aviv).


На саемот имаше неверојатно голем интерес од израелските посетители, а особено големо беше вниманието на новинарите кои изразија желба да ја посетат Македонија.


Туристичката бизнис заедница на Израел покажа интерес за отпочнување на соработка со Македонија и нејзино вклучување во нивните каталози како турисичка дестинација во 2017та година.


 


 

Македонија на овој саем ги промовираше природните богатства и културното наследство на земјава, а Директорката на АППТ, г-ѓа Лела Крстевска, оствари бројни интервјуа и гостувања во специјализирани емисии за туризам како Ynet, со цел посилна промоција на земјава на овој нов пазар, со што упати и директна покана за посета на Македонија до потенцијалните израелски туристи.


Делегација на АППТ за време на саемот оствари средби со израелските тур-оператори Arkia, Ofir Tours, Golden Tours, Tours 4 Groups, Gly Guy, NB Tours со што дел од нив веќе од оваа сезона се подготвени да ја вклучат Македонија во нивната туристичка понуда.Штандот на Македонија беше посетен и од претставници на македонската амбасада во Израел, како и Н.Е. Амбасадорот Пајо Авировиќ, кои значително придонесоа за поефективна промоција на земајва во Израел.

Назад 

Креиран од ketrin на 10.02.2017