logo

Агенција за промоција и поддршка на туризмот

 


Македонија е добитник на наградата за најорганизиран штанд на саемот во Истанбул, Турција

 

Македонија е добитник на наградата за најорганизиран штанд на саемот во Истанбул, Турција

 

 

 

Македонија е добитник на наградата за најорганизиран штанд на еден од најголемите и најпосетени интернационални саеми за туризам во светот во Истанбул, Турција.

 

Во конкуренција од повеќе од 80 држави и над 5000 институции лоцирани во 12 хали, штандот на Македонија е прогласен за најорганизиран штанд за 2017та година на 21-от по ред саем за туризам во Истанбул.

 

Саемот во Истанбул кој е еден од 5те најголеми саеми за туризам во светот, беше посетен од 46.670 посетители во периодот од 26-29 Јануари 2017та година, а присутни беа 450 тур-оператори од 55 земји.

 

Агенцијата за туризам на саемот во Истанбул ја презентираше природата, културата и отоманските споменици во Македонија, вклучувајќи ги и македонската традиција и туристичките посети на градовите.


 

Штандот на Македонија беше посетен од турскиот Министер за култура и туризам, г-дин Наби Авци, како и Генералниот Секретар на Светската туристичка организација, г-дин Талеб Рифаи кои искажаа задоволство од учеството на Македонија на саемот и ги потенцираа најзините природни убавини споделувајќи ги личните импресии.

 

На штандот на Република Македонија во Турција, ко-егзибитори беа македонските тур-оператори Бадемтур, Генерал Турист, Фибула, Балкантиме и Вардар Експрес, а штандот го посетија и Н.Е. г-дин Живко Муцунски, Амбасадор на Република Македонија во Турција, г-дин Синиша Иванковиќ, Конзул на Македонија во Турција, како и Економскиот промотор на Македонија во Турција, г-а Филиз Вели.

 

Минатата, 2016та година, Македонија ја зема првата награда за пријателство на саемот за туризам ЕМИТТ во Истанбул, Турција.

 

 

Со почит,

 

Агенција за промоција и поддршка на туризмот на Република Македонија

 


Назад 

Креиран од Mevludin.S на 01.02.2017