logo

Агенција за промоција и поддршка на туризмот

 


JATA EXPO 2016

АППТ со низа активности на саемот за туризам во Јапонија

 

 

Агенцијата за промоција и поддршка на туризмот со бројни алатки за промоција ги привлекува потенцијалните јапонски туристи во посета на Македонија на саемот за туризам во Јапонија (JATA EXPO 2016).

 

Пред публика од 180.000 посетители и 1700 тур-оператори, организации и институции изложувачи од 140 држави од светот, Директорот на АППТ г-ѓа Лела Крстевска и Н.Е. Амбасадор Андријана Цветковиќ оддржаа две презентации пред повеќе од 30 јапонски тур оператори во Europe Square на кои им беа презентирани туристичките потенцијали и можностите за субвенционирање кои ги нуди АППТ и Владата на Република Македонија.


 

 

 

Најпознатите јапонски туроператори JTB, Asashi Sun Tourist, Yomiuri Travel Service, Miura Business associates, Kinki Nippon Tourist, Jalpak, Alpine Tour Service, Noe, Yama Oto Umi, беа заинтересирани за туристичката понуда на земјава како неоткриена дестинација што можат да ја понудат на своите туристи. Воедно, една од најпознатите медиумски групации FOX Networks Group пројави интерес за снимање и документирање на убавините на Македонија, а со тоа и запознавање на пошироката јапонска јавност со туристичките потенцијали со кои располага државата.

 

 

 

 

Директорот на АППТ, г-ѓа Крстевска оствари учество и на Министерскиот самит кој се одржуваше за време на саемската манифестација, како еден од настаните на која беа присутни и голем број претставници од националните туристички институции од повеќе земји како и генералниот секретар на UNWTO, г-дин Талеб Рифаи.

 

Одржани беа средби со Директорите на националните туристички институции на земјите од Балканот присутни на овој саем со цел зедничко дејствување и претставување пред јапонскиот туристички пазар за привлекување на што поголем број на јапонски туристи на Балканот преку кружни патувања во кои ќе бидат вклучени неколку земји меѓу кои и нашата.

 

Јапонскиот интерес е главно фокусиран на запознавање на историјата, културата и традицијата на Македонија. 

 

 

Со почит,

 

 

Агенција за промоција и поддршка на туризмот

Назад 

Креиран од dino на 26.09.2016