logo

Агенција за промоција и поддршка на туризмот

 

Брендот Macedonia Timeless се приближува до британската јавност
Travel Weekly Roadshow, Travel Weekly September Social

 

Брендот Macedonia Timeless се приближува до британската јавност


 

Популарната англиска групација Travel Weekly, го организираше септемвриското вмрежување на туристичката индустрија во Лондон, Велика Британија (Travel Weekly Roadshow, Travel Weekly September Social), каде Агенцијата за промоција и поддршка на туризмот (АППТ) го презентираше целиот туристички потенцијал на земјава пред стотици тур оператори од Обединетото Кралство и светот.

 

Брендот Macedonia Timeless оваа година во Велика Британија се промовира и приближува до британската јавност преку престижната групација Travel Weekly која туристичката индустрија ја анимира – вмрежува и информира преку престижниот магазин, интернет едицијата и бизнис услугите кои ги нуди.

 

Агенцијата за промоција и поддршка на туризмот годинава организира низа настани за промоција на Македонија пред британската јавност. Една од нив е рекламирањето во Аspire магазинот, квартална публикацијата која ја таргетира заедницата за луксузно патување и досегнува до скоро 200 000 читателска публика од секторот. Во рамките на соработката организирани се и наградни активности на кои се одвзаа 30 тур оператори од Велика Британија, со што добија можност на директна презентација на земјава.

 

 

 

 

Неформалниот начин на вмрежување и отпочнување на соработка е тренд кој е во подем во светот, а целта е поедноставна размена на информации за земјите од кои доаѓаат.

 

Претставници на АППТ присутни на ова вмрежување оствариja средби со значајни имиња од секторот меѓу кои Expedia, Thomas Cook, New Market, Explorer Travel и многу други на кои им го претставиja брендот Macedonia Timeless.

 

Есенскиот настан Travel Weekly Roadshow, Travel Weekly September Social е еден од 9-те настани организирани групацијата, каде АППТ стави акцент на македонската култура, историја,активности во природа, како и винскиот туризам.

 

 

Со почит,

 

Агенција за промоција и поддршка на туризмот

Назад 

Креиран од dino на 23.09.2016