logo

Агенција за промоција и поддршка на туризмот

 

Туристичката понуда на Македонија претставена на на 17-тиот по ред саем за туризам во Ниш
АППТ на саемот за туризам во Ниш

Туристичката понуда на Македонија претставена на на 17-тиот по ред саем за туризам во Ниш

 

На 17-тиот по ред саем за туризам во Ниш, Србија, Агенцијата за промоција и поддршка на туризмот на Република Македонија ја претставува туристичката понуда на Македонија заедно со повеќе од 140 излагачи од земјата и регионот.

 

Покрај активниот одмор што е главна тема на саемот, оваа година акцентот е ставен на гастрономската и винската понуда, со што за време на меѓународниот саем за туризам во Ниш (26-28 Април 2016) посетителите имаа можност да дегустираат македонски ајвар, сирење и вино.


 


 

За време на саемот, делегацијата на Агенцијата за промоција и поддршка на туризмот оствари бројни состаноци со агенции од регионот кои ја нудат и соработуваат со Македонија.


Fly Fly Travel и Marco Polo го изразија своето задоволство од интересот што постои за Македонија кај нивните клиенти, а воедно и најавија поголем број на српски туристи кои планираат да го посетат Охрид за време на велигденските празници за разлика од минатата година.

 

Состаноци беа остварени и со ЈУТА – Асоцијација на српски туристички агенции, Националната Агенција за туризам на Србија и Националната туристичка организација на Ниш со што уште еднаш е потврдена потребата од заедничка соработка со цел привлекување на странски туристи од далечни пазари.

Назад 

Креиран од ognen на 03.05.2016