logo

Агенција за промоција и поддршка на туризмот

 

Вниманието на Русите насочено кон македонската туристичка понуда
АППТ на саемот за туризам во Москва

 

 Вниманието на Русите насочено кон македонската туристичка понуда

 

На саемот за туризам во Москва, Руска Федерација (Mitt, 23-26 Март 2016 година) Агенцијата за промоција и поддршка на туризмот на Република Македонија (АППТ) и оваа година традиционално го промовира туристичкиот потенцијал на земјава.

 

Со волонтерска поддршка од македонски студенти во Русија, штандот на Македонија привлече големо внимание со промоцијата на религиозниот, културниот, кулинарскиот и винскиот туризам, но атракција беа и послуженото вино, сирење и ајвар. За време на саемот, македонското вино побуди голем интерес со што се разменија контакти и линкови со експерти од различни области кои го посетија нашиот штанд.

 

Директорката на АППТ, г-ѓа Лела Крстевска, во соработка со македонската амбасада во Руската федерација и економскиот промотор во Москва, оствари средба со заменик раководителот на Федералната агенција за туризам, г-дин Сергеј Евгениевич Корнеев. На оваа средба беа договорени активностите кои заеднички ќе се преземат за подобра промоција на македонскиот туризам и инвестицискиот потенцијал на земјава.

 

 

 

 

На саемот за туризам во Москва, беше остварена средба со еден од поголемите европски тур-оператори којшто е присутен на рускиот пазар и извршени се првични разговори за воведување на чартер линија за олеснување на туристичкиот промет.

 

Остварена е средба и со претседателот на АТОР ( Асоцијација за тур-оператори на Русија) каде се дискутираше за можна соработка и промоција на македонскиот туризам кај членките од асоцијацијата.

 

Штандот беше посетен од многу тур-оператори и туристички агенции кои пројавија интерес за Македонија, а евидентно го зголеми интересот кај руската публика и репортажата за Македонија, која се емитува на руската национална телевизија на најпопуларната.

Назад 

Креиран од Ognen на 25.03.2016