logo

Агенција за промоција и поддршка на туризмот

 


АППТ на саемот за туризам во Белград

Бројот на туристи од Србија во константен пораст

 

Од 18 до 21 Февруари 2016 година Агенцијата за промоција и поддршка на туризмот на Република Македонија ја претставува туристичката понуда на Македонија на саемот за туризам во Белград, Србија.

 

Претставници од Агенцијата за промоција и поддршка на туризмот на Република Македонија за време на саемот остварија средба со цел соработка со тур-операторите Magelan Travel, Topone, Ponte Travel, додека со националната асоцијација на туристички работници на Србија – YUTA беа дискутирани можностите за интензивирање на соработката помеѓу тур-операторите од Македонија и Србија преку организација на регионални кружни тури од типот на виски и културни.

 

Бројот на туристи од Србија во Македонија бележи константен раст од 4-6% на годишно ниво во последните 5 години, а за наредната година приватиот сектор од двете земји очекува тој тренд на раст да продолжи.

 

 

 

 

За 2016-та година земја партнер на саемот за туризам во Белград е Република Словенија, додека идната година е предвидено да биде Република Црна Гора. Очекувањата се дека во 2018-та година Македонија ќе биде земја партнер на белградскиот саем за туризам.

 

Саемот за туризам во Белград кој има 38 годишна традиција и оваа година им посака добредојде на повеќе од 1000 излагачи, а само првиот ден броеше над 20 000 посетители. Ова е прв саем годинава во Србија на кој Република Македонија ќе ги претстави своите потенцијали, а наредниот месец тоа ќе го стори на саем за туризам во Ниш.

Назад 

Креиран од ognen на 19.02.2016