logo

Агенција за промоција и поддршка на туризмот

 


"Рајанер" потврди – планира да лета до скопскиот аеродром
Европскиот најфреквентен нискобуџетен авиопревозник, "Рајанер" ја потврди својата намера дека планира да воспостави авиолинии кон Македонија, односно до скопскиот аеродром "Алескандар Велики", пренесува порталот "Екс-ју Авиејшн њуз".

Оваа потврда следува откако премиерот Никола Груевски минатата недела соопшти дека владата преговара со една од најпознатите нискобуџетни авиокомапнии во светот.

Менаџерот за комуникации на „Рајанер“, Робин Кајли, изјави дека моментално се водат преговори со македонската влада за потенцијални линии до скопскиот аеродром. Македонската влада нуди субвенции за нискобуџетни авиопревозници, слични на оние кои ги има овозможено за превозникот „Визер“, кој пак воспостави база во Скопје, но и авиолинии до охридскиот аеродром, „Свети Апостол Павле“.

Според најавите, „Рајанер“ засега преговара само за воспоставување авиолинии од скопскиот аеродром. Во рамки на бившите ЈУ простори, „Рајанер“ лета до Подгорица постојано, додека летовите до Хрватска, како и до базата во Задар, се исклучиво само за летниот период.

Пристигнување „Рајанер“ во Македонија ќе одбележи уште една важна пресвртница за скопскиот аеродром „Александар Велики“ кој брзо станува центар на поранешна Југославија, каде што се нудат евтини летови во текот на годината.

Во јуни, на скопскиот аеродром имало 118.070 патници, што е зголемување за 1,5% во однос на истиот месец од претходната година, додека бројот на летовите се непроменети.

 

 

Скопје се очекува да кулминира во текот на јули, со „Ви-зер“ кој неодамна воведе линии за Фридрихсхафен, Сандефјорд, Барселона, Либек и Нирнберг. Во текот на првата половина од годината, на низ скопскиот аеродром поминаа 608.721 патници,што претставува зголемување од 13,8% во однос на минатата година.

Во 2014 година, на скопскиот аеродром имаше речиси 224.000 патници и е забележан пораст од 22%. Се очекува овој успех да се повтори и во 2015 година, со раст кој се проценува на 25% до крајот на годината.

„Рајанер“ е ирска авиокомпанија со седиште во Даблин, основана во 1985 година. Има воспоставено 362 линии во 22 земји ширум Европа, а во 2014 успеа да превезе 87 милиони патници на стариот континент.

 

Извор: tocka.com.mk

Назад 

Креиран од irenat на 14.07.2015