logo

Агенција за промоција и поддршка на туризмот

 


Агенцијата за промоција и поддршка на туризмот на 26 Јуни во Ниш, Србија организираше “Денови на мак

Агенцијата за промоција и поддршка на туризмот на 26 Јуни во Ниш, Србија организирашеДенови на македонски туризам.

 

На 26 Јуни во Ниш, Србија се одржа средба со туристички  работници, туристички агенции, туроператори и медиуми  во организација на Агенцијата за  промоција и поддршка на туризмот на Македонија.

 На наше задоволство партнерите и пријателите од Србија, тур оператори и претставници на медиумите беа наши гости и ова е можност за зајакнување на нашите партнерски односи и создавање на нови.

 

 

Настанот се организира во Ниш, јужниот дел на Србија со цел афирмација на започнатата туристичка сезона, да им се претстави туристичкиот производ од Македонија и можност за зголемување на бројот на Српски туристи кои традиционално секоја година ја посетуваат нашата земја. Локалните  медиуми го одбележаа  настанот  и ја  пренесоа  пораката  на  директорот на  АППТМ, г-дин Кристијан  Џамбазовски  дека  Македонија  е  безбедна туристичка дестинација како за  српските така за сите други туристи и дека туристичките работници од Македонија се  спремни  да ги дочекаат  нашите  соседи.

 

 

Настанот беше збогатен со дегустација на македонска храна и вино, македонска музика во изведба на  оркестарот за изворна  музика  на  Стевце Стојковски и пригодна наградна игра, а најсреќните имаа можност да бидат добитници на автентични производи од Македонија, тоа се охридските бисери, филигранот со македонски рубин и се разбира викенд во Охрид за двајца.

 

 

Во оваа пригода  учествуваа и претставници од туризмот од Македонија од ТА „Елем Турс„ претставници од  „Асоцијацијата за дојдовен Туризам „ и претставници од општина Дојран  и градоначалникот Борче  Стамов.

 

Со оглед на тоа дека бројот на туристи од година во година расте, Агенцијата за поддршка и промоција на туризмот ќе продолжи и понатаму да ја дава потребната поддршка на странски тур оператори преку доделување на субвенции за странски туристички промет во државата.

 

 

Успешните промотивни активности на АППТРМ на туристичкиот пазар во Србија позитивно се одразија на зголемување на број на туристи од оваа земја кои во последните неколку години изнесува повеќе од 12%. Неколку години по ред се реализира медиумка кампања која се покажа како  успешна и продолжуваме со исто темпо и оваа година. Уште една новина во делот на промоција е преводот на веб страната “Macedonia-timeless” на 9 јазици вклучително и србскиот, со цел туристичкиот производ од Македонија да стане подостапен за потенцијалните туристи.

 

Назад 

Креиран од irenat на 29.06.2015