logo

Агенција за промоција и поддршка на туризмот

 


“Араб Инвестор" ги разгледува бизнис и туристичките потенцијали на Македонија

Араб Инвестор" ги разгледува бизнис и туристичките потенцијали на Македонија

 

Министерството за надворешни работи на Р.Македонија и Агенцијата за промоција и поддршка на туризмот во соработка со НЕ Сашо Ташевски, првиот Амбасадор на РМ во Абу Даби го поддржаа гостувањето и посетата на Македонија на генералниот директор на списанието “Arab Investor”, г-дин  Nazim Mohammad Mahmood Sabbah.

НЕ Сашо Ташевски, првиот Амбасадор на РМ во Абу Даби, ОАЕ за шест месеци од започнувањето на својот мандат ја стави во комплетна функција новоотворената Амбасада и се залага за промовирање на инвестициските можности во Македонија.  Во изминатиов период донесе потенцијални инвеститори од Обединетите Арапски Емирати, а од 11 до 18 Мај е со генералниот директор на списанието “Arab Investor”, г-дин  Nazim Mohammad Mahmood Sabbah во посета на Македонија.  НЕ Сашо Ташевски има значително искуство од бизнис секторот со 20 годишно менаџерско искуство во меѓународни компании во Република Македонија и регионот.

Престижното списание “Arab Investor” објави ексклузивно интервју со НЕ Сашо Ташевски, првиот Амбасадор на РМ во Абу Даби за промоција на Македонија како нова бизнис дестинација за инвеститорите и нов неоткриен бисер во Европа за туристите од ОАЕ и регионот. На основа на интервјуто магазинот  “Arab Investor”,  кој ги покрива MENA земјите (Блискиот исток и северна Африка) кое има репутација за објавување на остроумни анализи и мислења за различни инвестициски пазари, економски и финансиски клучни идикатори  во специјални извештаи, напишаа статија и посветија пет страници само за Македонија. По нивната посета на нашата земја ќе напишат дополнителни информации за инвестициските и туристичките можности во Македонија.

НЕ Сашо Ташевски се залага и за промовирање на Македонија како туристичка дестинација  со атрактивен туристички производ за туристите од ОАЕ. Гостите освен во Скопје ќе бидат и во посета на Охрид и останатите градови во Македонија, со цел доближување на македонската гостопримливост, традиционална храна, несекојдневно искуство при посета на природните и култирните убавини на нашата земја.

“Република Македонија воспостави дипломатски односи со ОАЕ и ги унапредува со присуство на НЕ Сашо Ташевски, Амбасадорот на РМ во Абу Даби и ги повикува граѓаните на ОАЕ да уживаат во летните одмори во Македониа и да ги искористат постоечките капацитети, атрактивните цени и достапните директни летови од Дубаи до главниот град Скопје”- објавија во “Arab Investor”. 

Назад 

Креиран од irenat на 12.05.2015