Агенцијата за промоција и поддршка на туризмот на Република Македонија за прв пат ја претставува туристичката понуда на Република Македонија на саемот за туризам во Копенхаген, Данска. На тридневниот саем организиран од елитното списание за туризам Vagabond – Vaagabond Quality Travel Fair, Македонија разбуди огромен интерес кај данската публика како неоткриена дестинација од помладите, и вредна за посета дестнација од повозрасните кои пред многу години ја посетиле и сакаат повторно да сведочат за нејзиниот развој.
Агенцијата за туризам при промоцијата на туристичката понуда на Македонија во Данска се фокусираше на природните убавини на земјава, вклучувајќи ги и спортските активности и гастрономијата, кои беа дополнително промовирани пред избрана публика од Данска.
Претставиници на Агенцијата за туризам во соработка со економскиот промотор на Република Македонија во Данска, г-а Мирјана Наумоска, на саемот во Копенхаген остварија состаноци со Асоцијацијата на Дански тур оператори и тур операторите Викторс Фармор, Албатрос Травел, Атлантис Рејсер како и познатите весници Копенхаген Пост и Борсен. Данска како скандинавско-нордиска земја е финансиски стабилен пазар кој е во потрага по нови, неоткриени дестинации. Интересот за Македонија од страна на данските тур-оператори е невеорјатно голем, па некои од нив уште во 2017та ќе ја вклучат Македонија во нивната понуда – изјави Наумоска.
Данците користат 5 до 7 недели на одмор во текот на годината, а патуваат 3 до 4 пати годишно каде во просек трошат по21300 евра, со што се вбројуваат во една од нациите кои се најголемипотрошувачи кога е во прашање патувањето.Преференците на Данците за сонце и спортски активности јаправи Македонијаатрактивна дестинација за одмор која може да импонуди уникатни искуства.
