Google промоција на туризмот во Република Македонија  

Со цел за промоција на Македонија како туристичка дестинација, зголемување на посетеноста на веб страната macedonia-timeless.com и презентирање на туристичката понуда како и зголемување на вкупниот број на туристи во Македонија, Владата на Р. Македонија во соработка со АППТ и оваа година продолжи со Google промоција.

Поради намалувањето на буџетот оваа година, се намали и бројот на таргетирани земји вклучени во кампањата, од 16 на 10. Критериуми при избор на 10те земји беа: број на странски туристи (статистика 2014), директни летови, субвенционирани земји, туристи кои се најголеми потрошувачи и посетеност на веб страната од 2014 година.

Таргет земји оваа година се : Србија, Бугарија, Турција, Холандија, Русија, Италија, Франција, Велика Британија, Германија и Шведска.

Планот за Google промоцијата за 2015 година:

–          Промоција преку Search кампања – Google AdWords (Search Advertising/Search Engine marketing). Search кампања претставува група од key words (клучни зборови) кои се дообјаснети со таканаречен description (опис) за секоја група посебно. Овие зборови (key words) и групи се распределени и преведени на 6 јазици и се промовираат на Search Engine-от на Google во 10 држави.

Search Ads

–          Промоција преку Display кампања – Google Display Advertising Solutions (Display/Banner Ads). Display кампања претставува група од движечки или статични банери со link до нашата web-страна. Банерите се актуелни фотографии од Македонија, со логото на нашата web-страна и краток опис на фотографијата. Тие се  појавуваат на повеќе од 2.000.000 милиони web-партнери на Google.  Оваа година се вклучи и промоција преку LightBox Ads, комбинација од фотографии и видео записи (на стр.6 е прикажан пример). Овој вид на реклама помага за зголемување на поврзаноста со корисникот.

Image Ad

–          Промоција преку Youtube кампања – Youtube Video Ads. Оваа кампања претставува промовирање на 4 видео записи од Македонија.

Video Ad

За Search промоцијата беа направени Ad Groups (групи во кои се поделени клучните зборови по категории) во кампањи на 10 држави. Групите се преведени на 6 јазици (англиски, германски, руски, српски (кирилица и латиница), турски и бугарски).

Беа изготвени неколку категории со реклами преку клучни зборови:

–          General (About),

–          Things to do (History, Culture, Archaeology, Nature, Activities, Food, Wine, Tradition, Events and Rural Beauties),

–          Plan your trip (How to get here, Visa for Macedonia, Getting around, Macedonia Travel info),

–          Cities and Regions.

Целта на Search рекламирањето е да се задржат веќе постојните клиенти, преку полесно,  поедноставно враќање/навратување на нашата веб страна.

За Display промоцијата,  се изготвени движечки банери од 5 категории 8 димензии (320×50, 468×60, 970×90, 300×250, 300×250, 120×600, 160×600, 300×600, 336×280) соодветни за новиот дизајн на веб страната. Категориите на банерите се следните:

–          General – овој банер го води посетителот на почетната страна на macedonia-timeless.com,

–          Sound (Tradition and Events) – овој банер го води посетителот на делот Sound на веб страната,

–          Taste (Food and Wine) – овој банер го води посетителот на делот Taste на веб страната,

–          Scent (Rural beauties) – овој банер го води посетителот на делот Scent  на веб страната

–          Touch (History, Culture and Archaeology) – овој банер го води посетителот на делот Touch на веб страната.

Покрај движечки банери беа изготвени и LightBox банери, коишто служат за зголемена поврзаност со корисникот. Овие банери овозможуваат креатива од комбинација на повеќе фотографии и видео записи, со што корисникот може да гледа фотографии и видео записи од Македонија, без да ја посети веб страната. Од кога ќе ги изгледа сите има опција и да прочита повеќе со што ќе биде донесен на веб страната.

Пример од LightBox

Банерите се прикажуваат на партнер веб-страниците на Google. Се работи за над 2.000.000 партнери, на кои www.macedonnnnn-timeless.com се промовира стриктно на туристичко ориентирани страни или веб страни кои нашите таргет групи најчесто ги посетуваат. Целта на Display рекламирањето е директно насочена на зголемување на свесноста на странските посетители/туристи за Република Македонија.

Youtube промоцијата е промоција на каналот на Macedonia Timeless на Youtube каде што е  промовирана туристичката понуда на Македонија преку видео записи. Youtube промоцијата се состои од 4 видео записи од 30 секунди кои се покажуваат пред други видео записи. Видеата се направени во вид на скратена верзија од 30 секунди од видеата Macedonia Timeless. Направени се 4 видови на видео записи ( Македонија, Историја, Храна и Вино и Авантури во природа).