Насловна Uncategorized @mk Директорот Јаневски продолжува со посета на општините и регионите низ Македонија

Директорот Јаневски продолжува со посета на општините и регионите низ Македонија

Сподели

Агенцијата за промоција и поддршка на туризмот (АППТ) на Република Македонија, предводена од директорот Љупчо Јаневски продолжува со посета на општините и регионите низ Македонија со цел зајакнување на соработката со истите.

На денешните средби со градоначалниците на општина Струмица и Ново Село се детектираа потенцијалите на двете општини за развој на туризмот и нивна промоција на странски пазари. Струмица како општина е културен, трговски и политички центар на Југоисточниот регион, која претставува дестинација за фестивали и настани. Со бројни манифестации организирани во оваа општина во текот на целата година, таа го има приматот во овој регион, за што АППТ посебно ќе стави акцент при промовирањето на интернационалните саеми за туризам. Дополнително, постоењето на манастирите во околината на Струмица, општината дава можност за развој на верски и културен туризам, но и алтернативните форми на туризам, збогатени со рурални посети на околните села како и Колешинскиот и Смоларскиот водопад.

Заедничка промоција е договорена и со кабинетот на градоначалникот на општина Ново Село, а како приоритетен саем на кој ќе се оствари оваа промоција е интернационалниот саем во Софија, Бугарија, од каде се и најголемиот број на туристи во овој регион. Алтернативните форми на туризам ќе бидат приоритет при промоција на општините Струмица и Ново Село.

Иницијативата подобрување на соработката и остварување на средби од овој тип е поздравена од двете општини и веќе следната недела се најавени нови средби на кои ќе се разгледуваат конкретни предлози за превземање активности кои ќе придонесат за унапредување на туризмот во целина.