Агенцијата за промоција и поддршка на туризмот на Република Македонија (АППТ) од 7-ми до 10-ти Април 2018 година ќе биде домаќин на информативно патување за претставници на магазинот “Motociclismo”, Tommaso Pini и Leonardo Lucarelli, долгогодишни фриленсери- новинари и фотографи.
Македонија ќе има доминантно место во магазинот, со репортажа на 14 страници во изданието за месец јуни/јули. Со конккурентна мото-тура очекуваме Македонија успешно да се пласира во Италија, имајќи предвид дека италијанските туристички агенции се подготвени да ја вклучат во своите каталози.
Гостите ќе бидат во посета на Македонија, земја за која сметаат дека имa идеален амбиент за мото-туризмот со голема историја и туристичка идентитет. Овогодинешната турата се состои од посета на Скопје, Битола, Мариово, Прилеп, Трескавец, Маркови Кули, Охрид, Галичица. Оваа турнеја има за цел да ја покаже земјата преку својата главна особина: култура, историја, природа и модерност. Дел од турата е поврзана со Првата светска војна, бидејќи 2018 година е стогодишнината од крајот на оваа војна, па оттука и приказната за Македонскиот фронт каде што италијанските војници се бореа 36 месеци, која е многу актуелна и интересна за Италијанците читатели. За време на патувањето ќе биде направена фото репортажа користејќи и дронови за таа намена.
Оваа инфо тура се реализира во соработка на ТА Го Балканс чии претставник е г-дин Влатко Сулев и соработникот на АППТ за италијанскиот туристички пазар г-дин Фабио Котифава.
“Motociclismo” е водечко списание за мотоциклизам во Италија, едно од најстарите во светот чии прв број излезе далечната 1914 година, денес има месечен тираж од 173.000 примероци. Нивната веб страна има над еден милион посетители месечно, Фејсбук страна со 270.000 следбеници, а на нивниот You tube канал гостуваат познати личности меѓу кој и шампионот во мотоциклизам Валентино Роси.
Агенцијата за промоција и поддршка на туризмот беше домаќин на информативно патување за претставници на Магазинот “Motociclismo во 2014 година, со кое ги прослави своите 100 години постоење. Република Македонија како земја домаќин доби максимална видливост и шанса да достигне илјади посетители преку јасна порака на насловната страница на списанието и репортажа. Директорот на магазинот “Motociclismo”, Federico Aliverti ја предводеше групата од дванаесет моторџии кои сметаат дека Македонија е погодна и атрактивна дестинација за мото- туризмот. Се сними и високo квалитетнo видео за промотивни цели кое се прикажува на нивниот веб-канал и во текот на EICMA (меѓународерн саем за мотоциклизам во Милано, Италија со повеќе од 600.000 посетители годишно).
